విధి విడదీసిన స్నేహం 🥹 – 3
వల్లీ జీవితంలోకి ఒక పెళ్లి సంబంధం రాబోతోంది…
అందరూ అది ఆమె అదృష్టం అనుకుంటారు…
కానీ విధి మాత్రం మరో ఆట ఆడుతోంది…
✨✨✨✨✨✨✨✨✨✨✨✨✨✨✨
కాలం ఎవరి కోసం ఆగదు.
పుష్ప, వల్లీ విడిపోయి అప్పటికే నాలుగేళ్లు దాటిపోయింది.
పుష్ప ఇప్పుడు హైస్కూల్‌లోకి అడుగుపెట్టింది.
ఆమె ఎప్పటిలాగే చదువులో, ఆటల్లో ముందే ఉంటుంది.
డిస్ట్రిక్ట్ స్థాయి పోటీల్లో కూడా పేరు తెచ్చుకుంటోంది.
కానీ…
వల్లీ అనే జ్ఞాపకం మాత్రం ఆమె మనసులో ఎక్కడో ఒక మూలలో ఇంకా అలాగే ఉంది.
కొన్నిసార్లు స్కూల్‌కి వెళ్తూ పాత గుడిసెల స్థలం వైపు చూస్తుంది.
ఇప్పుడు అక్కడ అందమైన పార్క్ ఉంది.
పిల్లలు ఆడుకుంటున్నారు.
కానీ పుష్పకి మాత్రం అక్కడ వల్లీ నవ్వు మాత్రమే కనిపిస్తుంది.
💫💫💫💫💫💫💫💫💫💫💫💫💫💫💫
మరోవైపు…
వల్లీ జీవితం పూర్తిగా మారిపోయింది.
కొత్త ఊరు…
కొత్త మనుషులు…
కొత్త కష్టాలు…
వాళ్ల కుటుంబం ఒక చిన్న అద్దె ఇంట్లో జీవిస్తోంది.
వల్లీ తండ్రి రోజంతా ఫ్యాక్టరీలో కష్టపడతాడు.
తల్లి ఇళ్లలో పని చేస్తుంది.
వల్లీ స్కూల్‌కి వెళ్లినా…
చదువు కంటే ఇంటి బాధ్యతలే ఎక్కువగా కనిపిస్తున్నాయి.
✨✨✨✨✨✨✨✨✨✨✨✨✨✨✨
ఒకరోజు…
స్కూల్ నుండి ఇంటికి వచ్చిన వల్లీ…
ఇంటి ముందు చెప్పులు చూసి ఆశ్చర్యపోయింది.
లోపల కొంతమంది కూర్చున్నారు.
తల్లి కొత్త చీర కట్టుకుంది.
తండ్రి కూడా కొంచెం సంతోషంగా కనిపిస్తున్నాడు.
“అమ్మా… ఎవరు వచ్చారు?”
అని అడిగింది వల్లీ.
“నువ్వు లోపలికి వెళ్లి బట్టలు మార్చుకో.”
అంది తల్లి.
వల్లీకి ఏదో అర్థమైంది.
కానీ పూర్తిగా కాదు.
💫💫💫💫💫💫💫💫💫💫💫💫💫💫💫
కొద్దిసేపటి తర్వాత…
ఆమెని బయటికి పిలిచారు.
అక్కడ కూర్చున్న ఒక మధ్యవయస్కురాలు వల్లీని పై నుండి కింద వరకు చూసింది.
“అమ్మాయి బాగానే ఉంది.”
అంది.
వల్లీకి అసౌకర్యంగా అనిపించింది.
ఆవిడ పక్కనే కూర్చున్న వ్యక్తి నవ్వుతూ…
“చదువు ఎంత వరకు?”
అని అడిగాడు.
“పదో తరగతి.”
అంది వల్లీ.
“చాలు…”
అన్నాడు.
ఆ మాట విని వల్లీ ఆశ్చర్యపోయింది.
చదువు గురించి అడిగి…
“చాలు” అంటే ఏంటి?
ఆ సాయంత్రం వాళ్లు వెళ్లిపోయారు.
వెంటనే వల్లీ తండ్రి ముఖంలో చిరునవ్వు కనిపించింది.
“వల్లీ…”
అని పిలిచాడు.
“ఏంటి నాన్న?”
“నీకు మంచి సంబంధం వచ్చింది.”
ఆ మాట వినగానే వల్లీ ఒక్కసారిగా షాక్ అయ్యింది.
“నాకా?”
“అవును.”
“కానీ నాన్న… నాకు ఇంకా చదవాలి.”
తండ్రి ముఖం ఒక్కసారిగా మారిపోయింది.
“చదువు చదువు అంటున్నావ్… మన పరిస్థితి నీకు కనిపించడం లేదా?”
వల్లీ మౌనంగా నిలబడిపోయింది.
“అతనికి సొంత ఇల్లు ఉంది.”
“వ్యాపారం ఉంది.”
“డబ్బు ఉంది.”
“నువ్వు అక్కడ సుఖంగా ఉంటావు.”
వల్లీకి ఏదో భయం మొదలైంది.
“అతని వయసు ఎంత?”
అని అడిగింది.
కొన్ని క్షణాలు నిశ్శబ్దం.
“ఇరవై ఎనిమిది.”
అన్నాడు తండ్రి.
వల్లీ గుండె ఒక్కసారిగా భారమైంది.
తనకి అప్పుడే పదహారేళ్లు.
కానీ…
ఆమె మాట ఎవ్వరూ వినే పరిస్థితి లేదు.
💫💫💫💫💫💫💫💫💫💫💫💫💫💫💫
ఆ రాత్రి…
వల్లీకి నిద్ర పట్టలేదు.
తన పాత బ్యాగ్ తీసుకుంది.
అందులో ఇంకా పుష్పతో దిగిన ఫోటో ఉంది.
ఆ ఫోటోని చూసి…
“నువ్వు ఉంటే ఏం చేసేదానివి పుష్పా?”
అని మెల్లగా అడిగింది
సమాధానం రాలేదు.
కానీ కళ్లలో నీళ్లు మాత్రం వచ్చాయి.
రోజులు గడిచాయి.
పెళ్లి సంబంధం ఖరారైంది.
అబ్బాయి పేరు రాఘవ.
అతని కుటుంబం ఊర్లో చాలా గౌరవంగా కనిపిస్తుంది.
అందరూ…
“వల్లీ అదృష్టవంతురాలు.”
అంటున్నారు.
కానీ…
అదృష్టం అనేది బయట కనిపించే దాంట్లో ఉండదు.
లోపల దాగి ఉన్న నిజంలో ఉంటుంది.
💫💫💫💫💫💫💫💫💫💫💫💫💫💫💫
పెళ్లికి వారం ముందు…
వల్లీ తండ్రి రాఘవ ఇంటికి వెళ్లాడు.
అక్కడ అతను అనుకోకుండా ఒక విషయం విన్నాడు.
“ఈసారి అయినా మన ఇంటికి వారసుడు రావాలి.”
అని రాఘవ తల్లి రతమ్మ అంటోంది.
“అవును.”
“మన ఆస్తి అంతా మగపిల్లాడికే వెళ్తుంది.”
అన్నాడు రాఘవ తండ్రి నర్సయ్య.
ఆ మాటలు విని వల్లీ తండ్రి ఆశ్చర్యపోయాడు.
కానీ…
పేదరికం మనిషి నోరు మూయిస్తుంది.
అతను ఏమీ మాట్లాడలేదు.
ఇంటికి వచ్చాక కూడా ఆ విషయం వల్లీకి చెప్పలేదు.
ఎందుకంటే…
ఆ సంబంధం పోతే మళ్లీ ఇంకో మంచి సంబంధం రాదని భయపడ్డాడు.
✨✨✨✨✨✨✨✨✨✨✨✨✨✨✨
పెళ్లి రోజు దగ్గరపడుతోంది.
ఇక మరోవైపు…
పుష్ప జీవితంలో కూడా మార్పులు వస్తున్నాయి.
ఆమె ఇంటర్‌లో చేరింది.
ఆటల్లో రాష్ట్ర స్థాయికి ఎంపికైంది.
ఒకరోజు స్కూల్ ఆల్బమ్ చూస్తూ…
పాత ఫోటోలు తిరగేస్తోంది.
అందులో వల్లీతో దిగిన ఒక ఫోటో కనిపించింది.
పుష్ప కాసేపు నవ్వుకుంది.
“ఎక్కడ ఉన్నావో పిచ్చిదానా…”
అని తనలో తాను అనుకుంది.
ఆమెకి తెలియదు.
💫💫💫💫💫💫💫💫💫💫💫💫💫💫💫
అదే సమయంలో…
కొన్ని వందల కిలోమీటర్ల దూరంలో…
తన స్నేహితురాలు జీవితంలో అతి పెద్ద నిర్ణయం జరుగుతోందని.
పెళ్లి రోజు వచ్చింది.
వల్లీ పెళ్లికూతురుగా కూర్చుంది.
చుట్టూ అందరూ నవ్వుతున్నారు.
సంతోషపడుతున్నారు.
కానీ…
ఆమె మనసు మాత్రం ఏడుస్తోంది.
ముహూర్తం సమయం వచ్చింది.
రాఘవ తాళి కట్టబోతున్నాడు.
అందరూ అక్షింతలు పట్టుకున్నారు.
అప్పుడే…
అక్కడికి ఒక వ్యక్తి పరుగెత్తుకుంటూ వచ్చాడు.
“ఆగండి!”
అని గట్టిగా అరిచాడు.
అందరూ ఒక్కసారిగా అతని వైపు చూశారు.
రాఘవ ముఖం ఒక్కసారిగా మారిపోయింది.
ఆ వ్యక్తి నేరుగా రాఘవ వైపు చూస్తూ…
“ఈ పెళ్లి ఆపండి!”
“రాఘవ గురించి మీకు తెలియని నిజం ఉంది!”
అన్నాడు.
అక్కడ ఉన్న వారందరూ షాక్ అయ్యారు.
వల్లీ గుండె వేగంగా కొట్టుకోవడం మొదలైంది.
కంటిన్యూస్…..
నెక్స్ట్ ఎపిసోడ్ ప్రోమో:-
పెళ్లి మండపంలో ఒక్కసారిగా ఆగిపోయిన ముహూర్తం…
“రాఘవ గురించి మీకు తెలియని నిజం ఉంది!” అన్న ఆ వ్యక్తి ఎవరు?
అందరి ముందు బయటపడబోయే ఆ రహస్యం వల్లీ జీవితాన్ని మార్చేస్తుందా?
లేక నిజం తెలిసినా పరిస్థితుల చేతిలో ఓడిపోతుందా?
ఆ నిజం వల్లీ జీవితాన్ని కాపాడుతుందా?
లేక మరింత ప్రమాదంలోకి నెడుతుందా?
ఎలా అనిపించింది ఎపిసోడ్?? కామెంట్స్ లో తెలుపండి.
మీ కామెంట్స్ కాయిన్స్ అందిస్తారని ఆశిస్తూ……
ఇంకోసారి ఇంకో ఎపిసోడ్ తో మీ ముందుకు వస్తాను అప్పటి వరకు ఉంటాను…
ప్లీజ్ ఇగ్నోర్ మిస్టేక్స్.
Swipe left/right or tap the sides to turn pages