జ్వాల W/O శక్తి – 3

ఘటనా స్థలంలో దొరికిన ఎముకల అవశేషాలను, బూడిదను ఫోరెన్సిక్ లాబొరేటరీకి పంపిన తర్వాత, జె.ఎస్. అంత్యక్రియల ఏర్పాట్లు జరిగాయి. మృతదేహం పూర్తిగా కాలిపోవడంతో, కేవలం ఒక చిన్న పెట్టెలో సేకరించిన భౌతిక అవశేషాలకే అంతిమ సంస్కారాలు నిర్వహించాల్సి వచ్చింది. జె.ఎస్. నివాసమైన ‘లావెండర్ విల్లా’ జనసందోహంతో నిండిపోయింది. వ్యాపార ప్రముఖులు, రాజకీయ నాయకులు, వందలాది మంది కంపెనీ ఉద్యోగులు ఆయనకు నివాళులర్పించడానికి తరలివచ్చారు.

జ్వాల తెల్లటి కాటన్ చీరలో, ఎటువంటి ఆభరణాలు లేకుండా నిశ్శబ్దంగా కూర్చుని ఉంది. ఆమె కళ్లలో కన్నీళ్లు ఆగిపోయాయి, కానీ ఆ చూపుల్లో ఒక రకమైన శూన్యం, దాని వెనుక దాగి ఉన్న పగ స్పష్టంగా కనిపిస్తున్నాయి. బంధువులంతా చుట్టూ చేరి ఆమెను ఓదారుస్తున్నట్లు నటిస్తున్నారు. జె.ఎస్. సొంత అన్నదమ్ములు ఆస్తి పంపకాల గురించి అప్పుడే అంతర్గతంగా గుసగుసలాడుకోవడం జ్వాల గమనించింది.

సరిగ్గా అంత్యక్రియలు ప్రారంభమయ్యే సమయానికి, సిటీ పోలీస్ కమిషనర్ నుండి జ్వాల మొబైల్‌కు ఒక పర్సనల్ మెసేజ్ వచ్చింది. ఫోరెన్సిక్ ల్యాబ్ నుండి అత్యవసరంగా వచ్చిన ప్రాథమిక డీఎన్‌ఏ (DNA) రిపోర్ట్ అది. ఆ అవశేషాలు ఖచ్చితంగా శక్తి చెందినవి అని నివేదిక ధృవీకరించింది. దాంతో పాటు, కారు ఫ్యూయల్ ట్యాంక్ దగ్గర వాడిన రసాయనాలు సాధారణ ఇంధనం కంటే వేగంగా మంటలను వ్యాపింపజేసే ప్రత్యేక కెమికల్స్ అని కూడా ల్యాబ్ నిర్ధారించింది. ఇది ప్రమాదం కాదు, పక్కాగా స్కెచ్ వేసి చేసిన హత్యేనని జ్వాలకు మరోసారి చట్టబద్ధమైన సాక్ష్యంతో రుజువైంది.

చితికి నిప్పు పెట్టే సమయం వచ్చింది. జె.ఎస్.కు పిల్లలు లేకపోవడంతో, సంప్రదాయాల ప్రకారం బంధువులు వేరొకరితో కార్యం చేయించడానికి ప్రయత్నించారు. కానీ జ్వాల వారందరినీ పక్కకు నెట్టి, తానే స్వయంగా కొరివి పట్టుకుని భర్త చితికి నిప్పు పెట్టింది. ఆ మంటలు ఎగసిపడుతుండగా, జ్వాల మనసులో ఒక భయంకరమైన శపథం చేసింది: శక్తి నిన్ను బూడిద చేసిన ఈ మంటల సాక్షిగా ప్రమాణం చేస్తున్నాను. ఈ కుట్ర వెనుక ఉన్న ప్రతి ఒక్కరినీ చట్టం ముందు నిలబెట్టే వరకు, నీ జె.ఎస్. సామ్రాజ్యాన్ని శత్రువుల పాలు కాకుండా కాపాడే వరకు నేను విశ్రమించను.’

అంత్యక్రియలు ముగిసి జనాలు వెళ్ళిపోతుండగా, జె.ఎస్. కంపెనీ వైస్ ప్రెసిడెంట్ రుద్రప్ప జ్వాల దగ్గరకు వచ్చాడు. “అమ్మా జ్వాలా, జరగరాని ఘోరం జరిగిపోయింది. రేపు ఉదయం కంపెనీలో అర్జెంట్ బోర్డ్ మీటింగ్ ఉంది. నువ్వు మానసిక క్షోభలో ఉన్నావు కాబట్టి రానవసరం లేదు, మిగతా విషయాలు నేను చూసుకుంటాను” అన్నాడు ఒక కపటపు నవ్వుతో.

ఆయన మాటల్లోని అంతరార్థాన్ని జ్వాల గ్రహించింది. తను లేని సమయంలో బోర్డ్ ఆఫ్ డైరెక్టర్లను తన వైపు తిప్పుకుని, జె.ఎస్. కుర్చీని దక్కించుకోవాలనేదే రుద్రప్ప ప్లాన్.

కంపెనీ నా భర్త ప్రాణం రుద్రప్ప గారు. రేపటి బోర్డ్ మీటింగ్‌కు నేను వస్తున్నాను” అని జ్వాల కరుకుగా సమాధానమిచ్చింది. ఆమె మాటలకు రుద్రప్ప ముఖం ఒక్కసారిగా మారిపోయింది. రేపటి నుండి జె.ఎస్. సామ్రాజ్యంలో అసలైన అంతర్గత యుద్ధం మొదలుకాబోతోందని జ్వాలకు అర్థమైంది.

శక్తి అంత్యక్రియలు ముగిసిన మరుసటి రోజే జె.ఎస్. సామ్రాజ్యంలో అసలైన చీలికలు బయటపడ్డాయి. శక్తి లాంటి ఒక తిరుగులేని పారిశ్రామికవేత్త ఆకస్మికంగా, అదీ ఘోరమైన రీతిలో మరణించారనే వార్త కార్పొరేట్ ప్రపంచాన్ని ఊపేసింది. ఈ ప్రభావం నేరుగా షేర్ మార్కెట్‌పై పడింది. ఉదయం  షేర్ఓ పెన్ అవ్వగానే జె.ఎస్. గ్రూప్ ఆఫ్ కంపెనీస్ షేర్లు అన్ని ఒక్కసారిగా కుప్పకూలడం ప్రారంభించాయి. పెట్టుబడిదారులలో ఒకటే భయం—శక్తి లేని జె.ఎస్. సంస్థను ఎవరు నడిపిస్తారు? కంపెనీ భవిష్యత్తు ఏంటి?

మరోవైపు, జె.ఎస్. ప్రధాన కార్యాలయంలోని బోర్డ్ రూమ్ తీవ్ర ఉత్కంఠతో నిండిపోయింది. వైస్ ప్రెసిడెంట్ రుద్రప్ప ఆధ్వర్యంలో బోర్డ్ ఆఫ్ డైరెక్టర్ల అత్యవసర సమావేశం ప్రారంభమైంది. శక్తి సొంత అన్నదమ్ములు కూడా ఆ మీటింగ్‌కు హాజరయ్యారు. శక్తికి పిల్లలు లేకపోవడంతో, కంపెనీ చైర్మన్ కుర్చీని ఎలాగైనా దక్కించుకోవాలని రుద్రప్ప, ఆస్తిలో సింహభాగాన్ని లాక్కోవాలని శక్తి అన్నదమ్ములు  మిగిలిన షేర్ హోల్డర్స్ తో ఒప్పందం      కుదుర్చుకున్నారు.

శక్తి గారు లేని ఈ సమయంలో కంపెనీని నడిపించడానికి ఒక బలమైన నాయకుడు కావాలి. జ్వాల కేవలం హౌస్‌వైఫ్ మాత్రమే, ఆమెకు ఈ వందల కోట్ల బిజినెస్ సామ్రాజ్యాన్ని నడిపించే అనుభవం లేదు. కాబట్టి నేనే చైర్మన్‌గా బాధ్యతలు తీసుకుంటాను” అంటూ రుద్రప్ప డైరెక్టర్ల ముందు ప్రతిపాదన పెట్టాడు. దానికి కొందరు డైరెక్టర్లు అనుకూలంగా తలలు ఊపారు.

సరిగ్గా అదే సమయంలో, బోర్డ్ రూమ్ తలుపులు భారీ శబ్దంతో తెరుచుకున్నాయి. అందరూ ఒక్కసారిగా షాక్‌తో అటువైపు చూశారు.

అక్కడ జ్వాల నిలబడి ఉంది. తెల్లటి కాటన్ చీర, ముఖంలో ఎక్కడా లొంగిపోని గంభీరత్వం, కళ్లలో నిప్పులు చెరుగుతున్న పట్టుదలతో ఆమె లోపలికి అడుగుపెట్టింది. ఆమె వెనుక శక్తి పాత నమ్మిన బంటు, లీగల్ అడ్వైజర్ రాఘవన్ ఫైల్స్‌తో వస్తున్నాడు.

ఈ కంపెనీని స్థాపించింది నా భర్త శక్తి. ఆయన శ్రమ, రక్తం ఈ సామ్రాజ్యంలో ఉన్నాయి. అలాంటి సంస్థను కాపాడుకునే హక్కు, బాధ్యత ఆయన భార్యగా నాకు మాత్రమే ఉన్నాయి రుద్రప్ప గారు” అంటూ జ్వాల నేరుగా వచ్చి చైర్మన్ కుర్చీ పక్కన నిలబడింది.

జ్వాల రాకతో బోర్డ్ రూమ్‌లో ఒక్కసారిగా నిశ్శబ్దం ఆవరించింది. రుద్రప్ప ముఖంలో రంగులు మారాయి. జ్వాలను ఒక సాధారణ మహిళగా భావించి తక్కువ అంచనా వేసిన శత్రువులకు, ఆమె మొదటి అడుగుతోనే గట్టి హెచ్చరిక పంపింది. శక్తి స్థానంలో నిలబడటానికి జ్వాల సిద్ధమైంది, కానీ ప్రత్యర్థులు అంత సులభంగా లొంగిపోయేలా లేరు.

చూడమ్మా జ్వాల  నువ్వు ఒక ఆడపిల్ల వి, ఆడపిల్ల వి  ఆడపిల్ల లాగానే ఉండాలి అంతే కానీ కుర్చీలో కూర్చుంటాను ఆఫీస్ ను ఏలతాను అంటే ఎలా .  అయినా  కుర్చీలో    కూర్చోవడం అంటే వంట గదిలో కూర్చుని వంట చేసినంత తేలిక కాదు అమ్మ, దానికి ఎంతో కష్ట పడాలి, నిరంతరం శ్రమించాలి, శత్రువులు ఎటునుంచి వచ్చి దాడి చేస్తారో తెలియదు అని అంటాడు. అంటే ఇండైరెక్ట్ గా నీ భర్త శత్రువుల వల్ల చనిపోయాడు ,   రేపు నీకు కూడా అదే గతి పడుతుంది   అని చెప్పకనే చెప్పాడు.

దానికి జ్వాల మీరు అన్నది నిజమే రుద్రప్ప గారు ఒక కంపెనీ నీ నడపడం అంటే వంట చేసినంత తేలిక కాదు ఆ విషయం నాకు కూడా తెలుసు, అలాగే ఆ బాధ్యత తీసుకోవడం అనేది కత్తి మీద సాము అని కూడా తెలుసు.

కానీ ఇక్కడ మీరు ఒక విషయంమర్చిపోతున్నారు.

ఒక ఆడది తన వాళ్ళకి తన చేతులతో వండి పెట్టి ఎలా కడుపు నిండా తిండి పెడుతుందో. అలాగే తన సామ్రాజ్యం మీద శత్రువులు దాడి చేస్తే ఎదురు తిరగడం కూడా తెలుసు. మీరు అన్న అదే ఆడదాని వల్ల రాజ్యాలు పోయాయి, కొన్ని కోట్ల మంది ప్రజలను అదే ఆడది పాలించిన రోజులు కూడా ఉన్నాయి.

మీకు జాన్సీలక్ష్మి భాయ్ గురించి తెలుసు కదా కేవలం ఒక రాణిగా రాజ్యాన్ని కాపాడుకోవడమే కాకుండా, విదేశీ పాలకుల దాస్యం నుంచి దేశాన్ని విముక్తం చేయడానికి మహిళలు కూడా ఆయుధం పట్టగలరని లక్ష్మీబాయి నిరూపించారు. ఆమె త్యాగం దేశవ్యాప్తంగా లక్షలాది మందిలో స్వాతంత్ర్య కాంక్షను రగిల్చింది. నేటికీ సమాజంలో మహిళా సాధికారతకు మరియు ధైర్యానికి ఆమె ఒక గొప్ప ప్రతీక. ఆమె ఒక ఆడదే అని మీరు గుర్తించాలి.

రాణి రుద్రమ దేవి ఒక మహిళ పాలకురాలిగా మారడాన్ని జీర్ణించుకోలేని సామంత రాజులు, యాదవ రాజులు మరియు సొంత బంధువులు ఆమెపై తిరుగుబాటు చేశారు. కానీ రుద్రమదేవి తన అసమాన ధైర్యసాహసాలు, సేనాపతి గోన గన్నారెడ్డి వంటి వీరుల సహాయంతో శత్రువులను సమర్థవంతంగా ఎదుర్కొని ఓడించారు. ఆమె కూడా ఒక ఆడదే అని మీరు గుర్తించాలి.

ఇందిరా గాంధీ భారతదేశపు మొదటి మరియు ఏకైక మహిళా ప్రధానమంత్రి. ఆమె దృఢమైన నిర్ణయాలు, సాహసోపేతమైన చర్యల వల్ల ఆమెను ‘భారత ఉక్కు మహిళ’ గా పిలుస్తారు. దేశ రాజకీయ, ఆర్థిక, సామాజిక చిత్రపటాన్ని మార్చడంలో ఆమె కీలక పాత్ర పోషించారు. ఈవిడ కూడా ఒక ఆడదే.

అరుణా అసఫ్ అలీ 1942 క్విట్ ఇండియా ఉద్యమ సమయంలో ముంబైలోని గోవాలియా ట్యాంక్ మైదానంలో భారత జాతీయ పతాకాన్ని ఎగురవేసి, బ్రిటీష్ పోలీసుల కళ్లు గప్పి ఉద్యమాన్ని నడిపిన ధీరవనిత. ఈమెను ‘క్విట్ ఇండియా ఉద్యమ వీరనారి’ (Heroine of 1942) అని పిలుస్తారు.

 కస్తూరిబా గాంధీ: మహాత్మా గాంధీ అర్ధాంగిగా మాత్రమే కాకుండా, స్వయంగా గొప్ప స్వాతంత్ర్య సమరయోధురాలిగా ఆమె గుర్తింపు పొందారు. గాంధీజీ చేపట్టిన ప్రతి సత్యాగ్రహంలోనూ పాల్గొని, అనేకసార్లు జైలు శిక్ష అనుభవించారు.

మేడం భికాజీ కామా: విదేశీ గడ్డపై (జర్మనీలో 1907లో) మొట్టమొదటి భారతీయ జాతీయ పతాకాన్ని ఎగురవేసిన విప్లవ వనిత. అంతర్జాతీయ వేదికలపై భారత స్వాతంత్ర్య ఆవశ్యకత గురించి ఆమె గళమెత్తారు.

ఇలా ఎంతో మంది ఆడవారు అదే మీరు అన్నారు కదా వంట గదిలో వంట చెయ్యడం అని.మరి వీళ్ళందరూ , వీళ్ళు కాకుండా ఇంకా ఎందరో ఉన్నారు.

కాబట్టి ఒక ఆడదాన్ని తక్కువ అంచనా వెయ్యడం మానుకోండి. మీరు చేసే ప్రతి పని మేము చెయ్యగలుగుతాం. మరి మేము చేసేది మీరు చెయ్యగలుగుతారా.

అసలు మీరు అందరూ ఈ కంపెనీ మీద పెత్తనం చెయ్యాలి అని అనుకుంటున్నారు. అసలు ఈ కంపెనీ పూర్తి పేరు చెప్పండి అని అంటుంది.

అందరూ ఒకరి మొహం ఒకరు చూసుకొని ఒకరు jc అని చెప్తారు. ఓహ్ వెరీ గుడ్ అని చప్పట్లు కొట్టి jc అంటే ఓన్లీ కంపెనీ బోర్డు మీద ఉన్న పేరు కానీ ఆ కంపెనీ ఏ పేరు మీద రిజిస్ట్రేషన్ అయ్యిందో తెలుసా అని గట్టిగా అడుగుతుంది.

మీరు అందరూ మా వారి తెలివి తేటల మీద నమ్మకం తో ఈ కంపెనీ లో పెట్టుబడులు పెట్టారు. అంతక మించి మీకు దీని గురించి పెద్దగా ఏమి తెలియదు.తెలుసుకోవాలి అని కూడా మీరు అనుకోలేదు, ఎందుకు అంటే మీరు ఊహించిన దానికంటే ఎక్కువ లాభాలు వస్తున్నాయి కాబట్టి. కానీ ఇప్పుడు చెప్తున్న వినండి jc అంటే జ్వాల శక్తి.

అంటే ముందు నేను నా తర్వాత నా భర్త. ఇక్కడ నేను నా భర్త ని తక్కువ చెయ్యడం లేదు, నా భర్త నాకు ఎంత విలువ ఇస్తున్నాడు అనేది ఈ పేరు చూస్తేనే తెలుస్తుంది.

అండ్ ఇంకో విషయం ఈ కంపెనీ లో మేజర్ షేర్స్ మా పేరు మీద ఉన్నాయి. కాబట్టి నేను ఏది చెప్తే అది జరుగుతుంది జరిగి తీరుతుంది.

ఇష్టం ఉన్న వాళ్లు ఉండొచ్చు ఇష్టం లేని వాళ్ళు నిర్భయంతరంగా వెళ్లొచ్చు. కంపెనీ షేర్స్ గురించి మిగిలిన డీటెయిల్స్ గురించి అన్ని ఈ ఫైల్ లో ఉన్నాయి అని వాళ్ళ లాయర్  రాఘవ్ గారిని        చూస్తుంది .

ఆయన వివరాలు అన్ని కాపీ చేసి తలా ఒకటి ఇస్తాడు.

మీకు ఇందులో ఉన్నట్లు ఇష్టం అయితే ఒకే , లేదు మాకు అభ్యంతరం ఉంది అని అంటే  రేపు మళ్ళీ ఇదే టైం కి ఆఫీస్ కి వచ్చి మీ షేర్స్ తీసుకొని వెళ్లొచ్చు అని అక్కడ ఉన్న వాళ్ళకి చెప్పి శక్తి పర్సనల్ సెక్యూరిటీ సిబ్బంది అయినా విక్రమ్ కి రేపు ఇక్కడ ఇంకో చైర్ తెప్పించు, నా భర్త కూర్చున్న కుర్చీ పక్కనే అది ఉండేటట్టు ఏర్పాటు చెయ్యి అని చెప్పి అక్కడి నుండి హుందాగా నడుచుకుంటూ వెళ్తుంది.

అక్కడ ఉన్న  అందరూ అలా నోరు తెరుచుకొని మరీ చూస్తున్నారు. కొంత మంది వాళ్ళ పాచిక పారలేదు అని, ఇంకొంత మంది ఆడపిల్ల అంటే ఇలాగే ఉండాలి అని అనుకుంటున్నారు.

మీటింగ్ అయిపోయాక జ్వాల నేరుగా తన ఇంటికి వెళ్లి తన గదిలోకి వెళ్ళి తలుపు వేసుకొని 

కొంచెం సేపు ఏడుస్తుంది. అలా ఏడ్చి ఏడ్చి అసలు శక్తి కి, జ్వాల కి ఎలా పరిచయం ఏర్పడింది అని గుర్తు చేసుకుంటుంది.

ఇంకా ఉంది.

ప్లీస్ ఇగ్నోర్ మిస్టేక్స్.

ప్లీస్ ఫాలో మీ ♥️