ನಿನ್ನ ನಗುವಿಗೆ💞 – 3

ಹೀಗೆ ದಿನಗಳು ಕಳೆಯುತ್ತಾ ಹೋಗುತ್ತವೆ… ಕೆಲವು ದಿನಗಳ ನಂತರ ಮೀನಾಕ್ಷಿಯ ಹುಟ್ಟುಹಬ್ಬ ಬರುತ್ತದೆ…. ಅದೇ ದಿನ ಆಫೀಸ್‌ಗೆ ಹೊಸದಾಗಿ ಫ್ರೆಶರ್ಸ್ ಜಾಯಿನ್ ಆಗಿದ್ದರಿಂದ ಸೆಲೆಬ್ರೇಷನ್ಸ್ ನಡೆಯುತ್ತಿರುತ್ತವೆ.

ಆದರೆ ಮೀನಾಕ್ಷಿ ಬಾಗಿಲು ತೆರೆದು ಒಳಗೆ ಬರುತ್ತಿದ್ದಂತೆಯೇ… ಅಲಂಕಾರ ಮಾಡಿದ ಹಾಲ್‌ನ ಮಧ್ಯದಲ್ಲಿ ಲಕ್ಷ್ ಕಾಣಿಸುತ್ತಾನೆ. ಅಲ್ಲಿಯವರೆಗೂ ಏನು ನಡೆಯುತ್ತಿದೆ ಎಂಬುದು ಅರ್ಥವಾಗದೆ ಮೀನಾಕ್ಷಿ ಹಾಗೆಯೇ ನೋಡುತ್ತಾ ನಿಂತುಬಿಡುತ್ತಾಳೆ….

ಲಕ್ಷ್ ಅವಳ ಹತ್ತಿರ ಬಂದು…

“ನನ್ನ ಜೀವನದಲ್ಲಿ ನಿನ್ನನ್ನು ಮಿಸ್ ಮಾಡಿಕೊಳ್ಳುವುದು ನನಗೆ ಇಷ್ಟವಿಲ್ಲ ಮೀನಾ… ನೀನು ಮತ್ತು ನಾನು ಬೇರೆ ಬೇರೆ ಅಲ್ಲ… ನಾವಿಬ್ಬರೂ ಒಂದೇ…” ಎಂದು ಹೇಳುತ್ತಾ ಮೊಣಕಾಲೂರಿ ಕುಳಿತು ಅವಳ ಕೈ ಹಿಡಿದುಕೊಳ್ಳುತ್ತಾನೆ.

ನಂತರ ತನ್ನ ಕೈಯಲ್ಲಿದ್ದ ಉಂಗುರವನ್ನು ಅವಳ ಬೆರಳಿಗೆ ತೊಡಿಸಿ… ಅವಳ ಕೈಯನ್ನು ಪ್ರೀತಿಯಿಂದ ಹಿಡಿದುಕೊಳ್ಳುತ್ತಾನೆ….

ಇಲ್ಲಿ ನೀವು ಗಮನಿಸಬೇಕಾದ ವಿಷಯ ಏನೆಂದರೆ… ಇದು ಲಕ್ಷ್ ಮೀನಾಕ್ಷಿಗೆ ಎರಡನೇ ಬಾರಿ ಉಂಗುರ ತೊಡಿಸುತ್ತಿರುವುದು….

ಮೊದಲ ಬಾರಿ ಕಾಫಿ ಶಾಪ್‌ನಲ್ಲಿ ತನ್ನ ಪ್ರೀತಿಯನ್ನು ತಿಳಿಸುತ್ತಾ ಉಂಗುರ ತೊಡಿಸಿದ್ದನು… ಈಗ ಎಲ್ಲರ ಮುಂದೆ ಮತ್ತೊಮ್ಮೆ ಉಂಗುರ ತೊಡಿಸಿ… ಮೀನಾಕ್ಷಿ ತನ್ನ ಜೀವನದಲ್ಲಿ ಎಷ್ಟು ಮುಖ್ಯವಾದವಳು ಎಂಬುದನ್ನು ತಿಳಿಸುತ್ತಾನೆ….

ಮೀನಾಕ್ಷಿಯ ಕಣ್ಣುಗಳಲ್ಲಿ ಸಂತೋಷ ಕಾಣಿಸುತ್ತದೆ… ಇಬ್ಬರೂ ಒಬ್ಬರನ್ನೊಬ್ಬರು ತಬ್ಬಿಕೊಳ್ಳುತ್ತಾರೆ. ಆಫೀಸ್‌ನ ಎಲ್ಲಾ ಸ್ಟಾಫ್‌ಗಳು ಚಪ್ಪಾಳೆ ತಟ್ಟುತ್ತಾ ಅವರ ಸಂತೋಷದಲ್ಲಿ ಭಾಗಿಯಾಗುತ್ತಾರೆ….

ಹೀಗೆ ಆ ದಿನವಿಡೀ ಆಫೀಸ್‌ನ ಎಲ್ಲರ ನಡುವೆ ಮೀನಾಕ್ಷಿಯ ಹುಟ್ಟುಹಬ್ಬವನ್ನು ತುಂಬಾ ಸಂತೋಷದಿಂದ ಆಚರಿಸುತ್ತಾರೆ…. ಲಕ್ಷ್ ಇಂತಹ ಸರ್‌ಪ್ರೈಸ್ ಕೊಡುತ್ತಾನೆಂದು ಮೀನಾಕ್ಷಿ ಸ್ವಲ್ಪವೂ ಊಹಿಸಿರಲಿಲ್ಲ….

ಹೀಗೆ ಕೆಲವು ದಿನಗಳ ನಂತರ ಇಬ್ಬರೂ ಮದುವೆಯಾಗಬೇಕೆಂದು ನಿರ್ಧರಿಸುತ್ತಾರೆ…. ಮನೆಯ ಹಿರಿಯರು ಯಾರೂ ಹತ್ತಿರ ಇಲ್ಲದ ಕಾರಣ ಫ್ರೆಂಡ್ಸ್ ಎಲ್ಲರ ಸಮ್ಮುಖದಲ್ಲಿ, ಆಫೀಸ್ ಸ್ಟಾಫ್‌ಗಳ ಮಧ್ಯೆ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಳ್ಳುತ್ತಾರೆ….

ಮದುವೆಯಾದ ನಂತರ ಇಬ್ಬರೂ ಒಟ್ಟಿಗೆ ವಾಸಿಸುತ್ತಿದ್ದ ಅಪಾರ್ಟ್‌ಮೆಂಟ್‌ನಲ್ಲೇ ತಮ್ಮ ಹೊಸ ಜೀವನವನ್ನು ಆರಂಭಿಸುತ್ತಾರೆ….

ಫ್ರೆಂಡ್ಸ್ ಎಲ್ಲರೂ ಆ ದಿನ ಅವರ ಜೊತೆ ತಮಾಷೆಯಾಗಿ ಸಮಯ ಕಳೆಯುತ್ತಾರೆ… ಅವರಿಗಾಗಿ ಮನೆಯನ್ನು ಸುಂದರವಾಗಿ ಅಲಂಕರಿಸಿ, ಶುಭ ಹಾರೈಸಿ ಒಬ್ಬೊಬ್ಬರಾಗಿ ಹೊರಟುಹೋಗುತ್ತಾರೆ….

ಸಂಜೆಯಾಗುವಷ್ಟರಲ್ಲಿ ಇಬ್ಬರು ಫ್ರೆಂಡ್ಸ್ ಮಾತ್ರ ಅಲ್ಲೇ ಉಳಿದುಕೊಂಡಿರುತ್ತಾರೆ… ಉಳಿದವರೆಲ್ಲರೂ ಹೊರಟುಹೋಗಿರುತ್ತಾರೆ….

ನಾಲ್ವರೂ ಒಟ್ಟಿಗೆ ಊಟ ಮಾಡಿದ ನಂತರ… ಮೀನಾಕ್ಷಿಯ ಫ್ರೆಂಡ್ ಅವಳ ಜೊತೆಗಿದ್ದು ಬಿಳಿ ಸೀರೆಯಲ್ಲಿ ರೆಡಿ ಮಾಡುತ್ತಾಳೆ….

ಸರಳವಾದ ಆಭರಣಗಳನ್ನು ಹಾಕಿ, ಕೂದಲಿಗೆ ಮಲ್ಲಿಗೆ ಹೂ ಮುಡಿಸಿ ಸುಂದರವಾಗಿ ಅಲಂಕರಿಸುತ್ತಾಳೆ….

ಹೀಗೆ ಬಿಳಿ ಸೀರೆಯಲ್ಲಿ, ಮಲ್ಲಿಗೆ ಹೂ ಮುಡಿದ ಮೀನಾಕ್ಷಿ ತುಂಬಾ ಸುಂದರವಾಗಿ ಕಾಣಿಸುತ್ತಿರುತ್ತಾಳೆ….

ಅವಳನ್ನು ಅಷ್ಟು ಸುಂದರವಾಗಿ ರೆಡಿ ಮಾಡಿದ ಫ್ರೆಂಡ್ ಕೂಡ…

“ಅಯ್ಯೋ… ನಾನೇ ಹೀಗೆ ರೆಡಿ ಮಾಡುತ್ತಿರುವಾಗ ಫ್ಲಾಟ್ ಆಗಿಬಿಟ್ಟಿದ್ದೀನಿ… ಇನ್ನು ಲಕ್ಷ್ ಕಥೆ ಏನೋ!” ಎಂದು ಮೀನಾಕ್ಷಿಯನ್ನು ರೇಗಿಸುತ್ತಿರುತ್ತಾಳೆ….

ಮೀನಾಕ್ಷಿ ನಾಚಿಕೊಳ್ಳುತ್ತಾ…

“ಅಬ್ಬಾ… ಸುಮ್ನಿರೇ…” ಎಂದು ಹೇಳುತ್ತಾಳೆ….

ಇನ್ನು ಲಕ್ಷ್‌ನ ಫ್ರೆಂಡ್ ಕೂಡ ಲಕ್ಷ್‌ನನ್ನು ರೆಡಿ ಮಾಡಿ… ಕೆಲವು ತಮಾಷೆಯ ಟಿಪ್ಸ್ ಕೊಟ್ಟು ಹೊರಗೆ ಬರುತ್ತಾನೆ….

ಮೀನಾಕ್ಷಿಯ ಕೈಗೆ ಹಾಲಿನ ಗ್ಲಾಸ್ ಕೊಟ್ಟು…

“ಇನ್ನು ನೀನು ಹೋಗಿ ಲಕ್ಷ್‌ನನ್ನು ಭೇಟಿಯಾಗು… ನಾವು ಹೊರಗಡೆ ಇರುತ್ತೇವೆ…” ಎಂದು ಹೇಳುತ್ತಾ ಅವಳನ್ನು ರೂಮ್ ಹತ್ತಿರ ಕರೆದುಕೊಂಡು ಹೋಗಿ ಅಲ್ಲೇ ಬಿಟ್ಟು ಹೊರಗೆ ಹೋಗುತ್ತಾಳೆ….

ರೂಮ್ ಹತ್ತಿರ ಬಂದ ಮೀನಾಕ್ಷಿಗೆ ಒಳಗೆ ಹೋಗಬೇಕೆಂದರೆ ಒಮ್ಮೆಲೇ ತುಂಬಾ ಟೆನ್ಷನ್ ಆಗುತ್ತದೆ…. ನಾಚಿಕೆಯಿಂದ ತಲೆ ಕೆಳಗೆ ಮಾಡಿಕೊಂಡು ಅಲ್ಲೇ ನಿಂತುಕೊಳ್ಳುತ್ತಾಳೆ….

ಇತ್ತ ಒಳಗೆ ಲಕ್ಷ್ ಸುಮಾರು ಕಾಲು ಗಂಟೆಯಿಂದ ಮೀನಾಕ್ಷಿಗಾಗಿ ಕಾಯುತ್ತಿದ್ದರೂ ಅವಳು ಬರದೇ ಇರುವುದರಿಂದ…

“ಏನಾಯಿತೋ?” ಎಂದುಕೊಳ್ಳುತ್ತಾ ತಾನೇ ಹೊರಗೆ ಬಂದು ನೋಡುತ್ತಾನೆ….

ರೂಮ್ ಬಾಗಿಲಿನ ಹತ್ತಿರ ಮೀನಾಕ್ಷಿ ನಿಂತಿರುವುದನ್ನು ನೋಡಿ…

“ಏನಾಯಿತು ಮೀನಾ… ಇಲ್ಲೇ ಯಾಕೆ ಕಾಯುತ್ತಿದ್ದೀಯಾ?” ಎಂದು ಕೇಳುತ್ತಾನೆ….

“ಏನಿಲ್ಲ…” ಎಂದು ಮೀನಾಕ್ಷಿ ನಾಚಿಕೊಳ್ಳುತ್ತಾ ಹೇಳುತ್ತಾಳೆ….

ಅವಳು ನಾಚಿಕೊಳ್ಳುತ್ತಿರುವ ರೀತಿಯನ್ನು ನೋಡಿದ ಲಕ್ಷ್‌ಗೆ ವಿಷಯ ಅರ್ಥವಾಗುತ್ತದೆ….

ತಕ್ಷಣ ಅವಳ ಭುಜದ ಮೇಲೆ ಕೈ ಹಾಕಿ…

“ಬಾ…” ಎಂದು ನಿಧಾನವಾಗಿ ಒಳಗೆ ಕರೆದುಕೊಂಡು ಹೋಗುತ್ತಾನೆ….

ಅವಳ ಕೈಯಲ್ಲಿದ್ದ ಹಾಲಿನ ಗ್ಲಾಸ್‌ನ್ನು ಟೇಬಲ್ ಮೇಲಿಟ್ಟು… ಮೀನಾಕ್ಷಿಯನ್ನು ಬೆಡ್ ಮೇಲೆ ಕುಳಿತುಕೊಳ್ಳುವಂತೆ ಮಾಡುತ್ತಾನೆ….

“ನಿನಗೇನಾದರೂ ತೊಂದರೆ ಆಗುತ್ತಿದೆಯಾ ಮೀನಾ?” ಎಂದು ಪ್ರೀತಿಯಿಂದ ಕೇಳುತ್ತಾನೆ….

“ಸ್ವಲ್ಪ ಟೆನ್ಷನ್ ಆಗುತ್ತಿದೆ…” ಎಂದು ಮೀನಾಕ್ಷಿ ನಿಧಾನವಾಗಿ ಹೇಳುತ್ತಾಳೆ….

“ನಿನಗೆ ಏನಾದರೂ ಇಷ್ಟವಿಲ್ಲದಿದ್ದರೆ ನನಗೆ ಹೇಳು… ನಿನ್ನನ್ನು ಯಾವತ್ತೂ ತೊಂದರೆಗೆ ಸಿಲುಕಿಸುವುದಿಲ್ಲ…” ಎಂದು ಲಕ್ಷ್ ಹೇಳುತ್ತಾನೆ….

“ಅಂಥದ್ದೇನೂ ಇಲ್ಲ… ಸ್ವಲ್ಪ ಟೆನ್ಷನ್ ಅಷ್ಟೇ…” ಎಂದು ಮೀನಾಕ್ಷಿ ನಾಚಿಕೊಳ್ಳುತ್ತಾ ಹೇಳುತ್ತಾಳೆ….

“ಸರಿ…” ಎಂದು ಲಕ್ಷ್ ನಗುತ್ತಾ ಟೇಬಲ್ ಮೇಲಿದ್ದ ಹಾಲಿನ ಗ್ಲಾಸ್ ತೆಗೆದುಕೊಂಡು ಬರುತ್ತಾನೆ….

“ಇಬ್ಬರೂ ಒಟ್ಟಿಗೆ ಹಂಚಿಕೊಂಡು ಕುಡಿಯೋಣ…” ಎಂದು ಹೇಳುತ್ತಾನೆ….

“ಹಾಗೆಯೇ ಮಾಡೋಣ…” ಎಂದು ಮೀನಾಕ್ಷಿ ಕೂಡ ನಗುತ್ತಾಳೆ….

ಇಬ್ಬರೂ ಒಬ್ಬರನ್ನೊಬ್ಬರು ನೋಡುತ್ತಾ… ನಗುತ್ತಾ ಆ ಹಾಲನ್ನು ಹಂಚಿಕೊಂಡು ಕುಡಿಯುತ್ತಾರೆ….

ಹೀಗೆ ಆ ಕ್ಷಣದಲ್ಲಿದ್ದ ಟೆನ್ಷನ್ ಸ್ವಲ್ಪ ಕಡಿಮೆಯಾಗುತ್ತದೆ….

“ಈಗಲೂ ಏನಾದರೂ ಪ್ರಾಬ್ಲಮ್ ಇದೆಯಾ ಮೀನಾ?” ಎಂದು ಲಕ್ಷ್ ಕೇಳುತ್ತಾನೆ….

“ಏನೂ ಇಲ್ಲ…” ಎಂದು ಮೀನಾಕ್ಷಿ ಸಣ್ಣಗೆ ನಗುತ್ತಾಳೆ….

ಲಕ್ಷ್ ಅವಳನ್ನು ಪ್ರೀತಿಯಿಂದ ಹತ್ತಿರಕ್ಕೆ ಕರೆದುಕೊಂಡು… ಸ್ವಲ್ಪ ಹೊತ್ತು ಅವಳ ಜೊತೆ ಮಾತನಾಡುತ್ತಿರುತ್ತಾನೆ….

ಇಬ್ಬರೂ ತಮ್ಮ ಹೊಸ ಜೀವನದ ಬಗ್ಗೆ, ಮುಂದಿನ ದಿನಗಳು ಹೇಗಿರಬಹುದು ಎಂಬುದರ ಬಗ್ಗೆ ಮಾತನಾಡಿಕೊಳ್ಳುತ್ತಿರುತ್ತಾರೆ….

ಮೀನಾಕ್ಷಿ ಮಾತ್ರ ನಾಚಿಕೆಯಿಂದ ತಲೆ ಕೆಳಗೆ ಮಾಡಿಕೊಂಡೇ ಇರುತ್ತಾಳೆ…. ಲಕ್ಷ್ ಅವಳನ್ನು ತಮಾಷೆ ಮಾಡುತ್ತಾ ನಗಿಸುತ್ತಾನೆ….

ಆ ರಾತ್ರಿ ಅವರಿಬ್ಬರೂ ತಮ್ಮ ನಡುವಿನ ಪ್ರೀತಿ ಮತ್ತು ನಂಬಿಕೆಯನ್ನು ಇನ್ನಷ್ಟು ಗಟ್ಟಿಗೊಳಿಸಿಕೊಳ್ಳುತ್ತಾ… ತಮ್ಮ ಹೊಸ ಜೀವನವನ್ನು ಒಂದು ಸುಂದರ ನೆನಪಾಗಿ ಆರಂಭಿಸುತ್ತಾರೆ….

ಹೀಗೆ ಅವರ ಪ್ರೇಮಕಥೆ… ಒಬ್ಬರಿಗೊಬ್ಬರು ಜೊತೆಯಾಗಿ, ಜೀವನಪೂರ್ತಿ ಒಟ್ಟಿಗೆ ನಡೆಯಬೇಕೆಂಬ ಮಾತಿನೊಂದಿಗೆ ಹೊಸ ತಿರುವು ಪಡೆದುಕೊಳ್ಳುತ್ತದೆ….

ಓದಿ ಹೋಗದೆ ನಿಮ್ಮ ಅಭಿಪ್ರಾಯವನ್ನು ಕಾಮೆಂಟ್ ಮಾಡಿ ಫ್ರೆಂಡ್ಸ್….

ನಿಮ್ಮ ಚಿನ್ನಿ ❤️