కడలి
సన్నటి నీటి జల్లు కిటికీ కడ్డీల మీద పడి మొహానికి చిరు తుంపర్లు పడుతుంటే ఎంత హాయిగా ఉంటుందో కదా .ఆమెని దాటి వెనక్కి పోతున్న చెట్లు, పుట్టలు, పెద్ద పెద్ద కరెంటు స్తంభాలు అన్నీ చూస్తూ చిన్నగా నవ్వుకుంటోంది తను.ఎంత చిత్రమో కదా ఏ కదలిక లేని వాటిని కూడా పరిగెత్తించే శక్తి మన మనసుకే ఉంది కాబోలు...ఏంటో బయల్దేరినప్పుడు ఆమెలో ఉన్న భయం, కంగారు ఇప్పుడెందుకో ఒక రకమైన అలజడి సృష్టిస్తోంది.జీవితంలో ఏదో సాధించాలన్న తపన ఆమెది.వాటికి కళ్లెం వేసి మెడలో పసుపు తాడుతో ముళ్లేసి ఆమెనో బలి పశువును చేసి ట్రైన్ ఎక్కించారు ఆమె ఇంట్లోని పెద్దవాళ్ళు.పెళ్లి చూపుల్లో అన్నీ వివరంగా చెప్దామనుకుంటే అసలు ఆ తంతే జరిగినవ్వలేదు…