కన్నుల్లో నీ రూపమే
విశాఖపట్నం…ఉదయం ఆరు గంటలు.సముద్రం మీద నుంచి వీచే చల్లని గాలి, రోడ్డుకిరువైపులా ఉన్న చెట్ల ఆకులను మెల్లగా కదిలిస్తోంది. బీచ్ రోడ్డులో అప్పుడప్పుడూ పరుగులు తీస్తున్న యువత, వాకింగ్ చేస్తున్న పెద్దవాళ్లు, సముద్రాన్ని చూస్తూ టీ తాగుతున్న కొంతమంది… నగరం తన ఉదయాన్ని ఎంతో అందంగా ప్రారంభిస్తోంది.అదే సమయంలో రోడ్డుపక్కన ఉన్న చిన్న ఇంట్లో మాత్రం పెద్ద యుద్ధం జరుగుతోంది.అమ్మా… నా షూ ఎక్కడుంది?”నిన్న నువ్వే తీసి పడేశావు. ఇప్పుడు నన్ను అడిగితే ఎలా తెలుస్తుంది?”అమ్మా, ప్లీజ్! నాకు టైమ్ అయిపోతోంది.”రోజూ ఇదే గోల. ఉద్యోగం చేస్తున్నావా? లేక యుద్ధానికి వెళ్తున్నావా? ఏ వస్తువు ఎక్కడ పెట్టావో నీకే తెలియదు.”సరే అమ్మా… నువ్వు నన్ను తిట్టడం ఆపి, షూ కనిపెట్టడంలో హెల్ప్ చేస్తే…