మేఘా కార్ డ్రైవ్ చేస్తూ, సంజయ్ని చూస్తూ, “ఏంటి బావా! ఇంట్లో వాళ్ళు ఏదో ప్లాన్ చేసినట్లు ఉన్నారు..” అని అడుగుతుంది నవ్వుతూ..
“తెలిసి కూడా నన్ను అడుగుతావేంటి?” అని అంటాడు సంజయ్..
“అలా కాదు బావా, వాళ్ళకి తెలుసు కదా నేను ఒప్పుకోను అని.. అయినా కూడా ఇలాంటి ప్లాన్స్ చేస్తున్నారు.. ఇప్పుడు అందరూ నన్ను కాకాపట్టడానికి రెడీ అయ్యారు..” అని అంటుంది మేఘా..
“ఓహో! అందుకేనా ఇప్పుడు ఈ బయటకు వెళ్ళే ప్లాన్?” అని అంటాడు సంజయ్..
“హ్మ్.. అలాంటిదే అనుకో.. ఈ రోజు నా ప్లాన్స్ వేరే బావా.. చక్కగా మీరు వచ్చిన తరువాత టెర్రస్ పైన ఫుడ్ అరేంజ్ చేసి, చక్కగా అందరం కలిసి కబుర్లు చెప్తూ తింటూ టైమ్ పాస్ చేయవచ్చు అని వంట కూడా నేనే చేశాను..
కానీ నేను ఫ్రెష్ అవ్వడం కోసం పైకి వెళ్ళాను.. అన్నీ పైన అరేంజ్ చేద్దాం అని చెప్పడానికి మళ్ళీ వెనక్కి వస్తే అమ్మ, అత్త, నాన్నతో మాట్లాడటం విన్నాను..