ముప్పై సంవత్సరాల క్రితం జరిగిన విషాదకరమైన ప్రేమ కథ వెనుక ఉన్న నిజం ఆద్వైత్ కు నెమ్మదిగా తెలుస్తుంది. సిద్ధయోగి చెప్పిన మాటల ప్రకారం, ఆది పునర్జన్మలో ఆద్వైత్ గా తిరిగి వస్తాడని, మృణాళిని కోసం మళ్లీ ఆ బంగ్లాకు చేరుకుంటాడని డైరీలో ముందే రాసి ఉంటుంది. ఆ డైరీ చదవగానే ఆద్వైత్ కు గత జన్మ జ్ఞాపకాలు ఒక్కొక్కటిగా గుర్తుకు వస్తాయి. చివరికి తాను ఆ పూర్వజన్మలోని ఆది అనే విషయాన్ని గ్రహించిన ఆద్వైత్ ను చూసి మృణాళిని ఆనందంతో కన్నీళ్లు పెట్టుకుంటుంది. అయితే అదే సమయంలో గ్రంథాలయం బయట వినిపించిన రహస్యమైన అడుగుల శబ్దం మరో కొత్త ప్రమాదానికి సంకేతంగా మారుతుంది.
***
“ఆది… ఈసారి కూడా ఆలస్యంగానే వచ్చావు…”
ఆ గంభీరమైన స్వరం గ్రంథాలయం గోడలన్నింటిలోనూ ప్రతిధ్వనించింది.
ఆద్వైత్ గుండె ఒక్కసారిగా బలంగా కొట్టుకుంది.
మృణాళిని ముఖం పూర్తిగా పాలిపోయింది.
“ఆద్వైత్… ఇక్కడి నుంచి వెంటనే వెళ్లిపోదాం!” అంటూ అతని చేతిని గట్టిగా పట్టుకుంది..