ಅನಿರೀಕ್ಷಿತಾ ಮದುವೆ 5 min read

ಅನಿರೀಕ್ಷಿತಾ ಮದುವೆ – 3

ಮನೋಜ್ ಅವರ ಮನೆ ಮುಂದೆ ಕಾರ್ ಬಂದು ನಿಂತಿತು… ಮನೋಜ್ ಮತ್ತು ಜಾನ್ವಿ ಕಾರ್ ಇಳಿದು ಎದುರಿಗಿರುವ ದೃಶ್ಯ ನೋಡಿ ಶಾಕ್ ಆದರು. ವೇದಾಂತ್ ಕೂಡ ಇಳಿದು ನೋಡಿ ಹಾಗೆಯೇ ಶಾಕ್ ಆಗಿ ನಿಂತುಬಿಟ್ಟನು….

ಅವರ ಕಣ್ಣಮುಂದೆ ಆರ್ಯನ್ ಕಾರು ನಿಂತಿತ್ತು… ಅದರಲ್ಲಿ ಆರ್ಯನ್ ಸ್ಟೀರಿಂಗ್ ಮೇಲೆ ತಲೆ ಇಟ್ಟು ಬಿದ್ದಿದ್ದನು. ಮನೋಜ್ ಮತ್ತು ವೇದಾಂತ್ ಇಬ್ಬರೂ ಕಾರಿನ ಬಳಿ ಓಡಿ ಹೋಗಿ, “ಆರ್ಯನ್.. ಆರ್ಯನ್..” ಎಂದು ಕಿರುಚುತ್ತಾ ಬಾಗಿಲು ಬಡಿದರೂ ಆರ್ಯನ್ ಪ್ರಜ್ಞೆಯಲ್ಲೇ ಇರಲಿಲ್ಲ.

ಜಾಹ್ನವಿ ಓಡೋಡಿ ಮನೆಯೊಳಗೆ ಹೋಗಿ ಸ್ಕ್ರೂಡ್ರೈವರ್ ತಂದು ಮನೋಜ್ ಕೈಗೆ ಕೊಟ್ಟಳು. ಮನೋಜ್ ಅದರಿಂದ ಬಾಗಿಲು ತೆಗೆಯಲು ಪ್ರಯತ್ನಿಸುತ್ತಿದ್ದಂತೆಯೇ ಬಾಗಿಲು ತೆರೆದುಕೊಂಡಿತು. ಮನೋಜ್ ಮತ್ತು ವೇದಾಂತ್ ಇಬ್ಬರೂ ಸೇರಿ ಆರ್ಯನ್‌ನನ್ನು ಎತ್ತಿಕೊಂಡು ಹೋಗಿ ಜಾಹ್ನವಿಯ ಕೋಣೆಯಲ್ಲಿ ಮಲಗಿಸಿದರು.

“ಇವನು ಇಲ್ಲಿಗೆ ಹೇಗೆ ಬಂದ ಮನೋಜ್?” ಎಂದು ವೇದಾಂತ್ ಕೇಳಿದನು.”ಅದೇ ನನಗೂ ಅರ್ಥವಾಗುತ್ತಿಲ್ಲವೋ ವೇದಾಂತ್…” ಎನ್ನುತ್ತಾ ಜಾಹ್ನವಿ ಆರ್ಯನ್ ಕಾಲಿನ ಶೂಗಳನ್ನು ಬಿಚ್ಚುತ್ತಿದ್ದಳು. ಇದನ್ನು ನೋಡಿ ವೇದಾಂತ್ ಆಶ್ಚರ್ಯದಿಂದ, “ಏನೋ ಇದು? ಜಾಹ್ನವಿ ಯಾಕೆ ಅವನ ಶೂ ಬಿಚ್ಚುತ್ತಿದ್ದಾಳೆ?” ಎಂದು ಕೇಳಿದನು.

“ಜಾಹ್ನವಿ ಈಗ ಆರ್ಯನ್ ಹೆಂಡತಿ ಅಲ್ವಾ, ಅದಕ್ಕೇ ಬಿಚ್ಚುತ್ತಿದ್ದಾಳೆ” ಎಂದ ಮನೋಜ್.ವೇದಾಂತ್‌ಗೆ ತಲೆ ತಿರುಗಿದಂತಾಯಿತು. “ಏನು? ನಮ್ಮ ಆರ್ಯನ್ ಜಾಹ್ನವಿಯನ್ನು ಮದುವೆಯಾಗಿದ್ದಾನಾ? ನನಗೇನೂ ಅರ್ಥವಾಗುತ್ತಿಲ್ಲ. ನೀನು ಜಾಹ್ನವಿಗೆ ಬೇರೆ ಸಂಬಂಧ ಅಲ್ವಾ ನೋಡಿದ್ದು? ಈ ಆರ್ಯನ್ ಮಧ್ಯದಲ್ಲಿ ಹೇಗೆ ಬಂದ?” ಎಂದು ಆಶ್ಚರ್ಯದಿಂದ ಕೇಳಿದನು.

ವೇದಾಂತ್‌ಗೆ ಮದುವೆಯಲ್ಲಿ ನಡೆದ ಘಟನೆಗಳನ್ನೆಲ್ಲಾ ಮನೋಜ್ ವಿವರಿಸಿದನು. ವಿಷಯ ತಿಳಿದ ವೇದಾಂತ್, “ಅವರಿಗೆ ಅದೆಷ್ಟು ಧೈರ್ಯ? ನಮ್ಮ ಜಾಹ್ನವಿ ಬಗ್ಗೆ ಅಷ್ಟು ಕೆಟ್ಟದಾಗಿ ಮಾತನಾಡುತ್ತಾರಾ? ಅಂತಹ ಸಂಬಂಧ ಮುರಿದು ಹೋಗಿದ್ದೇ ಒಳ್ಳೆಯದಾಯಿತು ಮನೋಜ್. ಅದಕ್ಕೆ ಹೋಗಿ ನೀನು ಆತ್ಮಹತ್ಯೆ ಮಾಡಿಕೊಳ್ಳಲು ನೋಡಿದೆಯಲ್ಲಾ? ಒಂದು ವೇಳೆ ಆರ್ಯನ್ ಬರದೇ ಇದ್ದಿದ್ದರೆ ಏನಾಗುತ್ತಿತ್ತು?” ಎಂದನು.

“ಆ ಸಮಯದಲ್ಲಿ ನನಗೆ ಏನು ಮಾಡಬೇಕೆಂದು ತೋಚಲಿಲ್ಲವೋ… ಆರ್ಯನ್ ಬಂದು ಜಾಹ್ನವಿ ಕೊರಳಿಗೆ ತಾಳಿ ಕಟ್ಟಿದ. ಅವನು ಹಾಗೆ ಮಾಡಿದ್ದು ನನಗೂ ಅಚ್ಚರಿ ತಂದಿತು. ಅಸಲಿಗೆ ಅವನು ಜಾಹ್ನವಿ ಕೊರಳಿಗೆ ತಾಳಿ ಕಟ್ಟಿದ್ದು ಯಾಕೆ ಗೊತ್ತಾ?”

“ನನಗಾಗಿ ಅಂತೆ…” ಎಂದನು ಮನೋಜ್.

“ಹೌದು ವೇದಾಂತ್, ಅದನ್ನೇ ಹೇಳಿ ಜಾಹ್ನವಿಯನ್ನು ನನ್ನ ಜೊತೆಯಲ್ಲೇ ಬಿಟ್ಟು ಅವನು ಒಬ್ಬನೇ ಹೊರಟು

ಹೋದ” ಎಂದನು ಮನೋಜ್.

“ಓಹೋ… ಅದಕ್ಕೇ ನೀವಿಬ್ಬರೂ ಇಷ್ಟು ದಿಕ್ಕಿಲ್ಲದವರಂತೆ ನಿಂತಿದ್ದೀರಾ? ಸರಿ, ಹಾಗೆ ಹೋದ ಆರ್ಯನ್ ಇಲ್ಲಿಗೆ ಹೇಗೆ ಬಂದ? ಅವನಿಗೆ ನಿಮ್ಮ ಮನೆ ಕೂಡ ಗೊತ್ತಿಲ್ಲವಲ್ಲಾ?” ಎಂದ ವೇದಾಂತ್.

“ಅದೇ ನನಗೂ ಅರ್ಥವಾಗುತ್ತಿಲ್ಲ ವೇದಾಂತ್. ನೋಡಿದರೆ ಸಿಕ್ಕಾಪಟ್ಟೆ ಕುಡಿದಿರುವ ಹಾಗಿದೆ” ಎಂದು ಅವರು ಮಾತನಾಡಿಕೊಳ್ಳುತ್ತಿರುವಾಗಲೇ ಜಾಹ್ನವಿ ಆರ್ಯನ್‌ನಿಗೆ ಬೆಡ್‌ಶೀಟ್ ಹೊದಿಸಿ, ಲೈಟ್ ಆಫ್ ಮಾಡಿ ಹೊರಗೆ ಬಂದಳು.

ಅವಳು ಬರುವುದನ್ನು ಕಂಡು, “ಜಾಹ್ನವಿ, ನೀನು ಹೋಗಿ ಬಟ್ಟೆ ಬದಲಿಸಿಕೊಂಡು ಬಾ” ಎಂದ ಮನೋಜ್.”ಸರಿ ಅಣ್ಣ” ಎಂದು ಅವಳು ಒಳಗೆ ಹೋದಳು.”ಈಗ ಏನು ಮಾಡೋಣ ವೇದಾಂತ್? ಆರ್ಯನ್ ಇಲ್ಲಿದ್ದಾನೆ ಅಂತ ಅವರ ತಂದೆಗೆ ಫೋನ್ ಮಾಡಿ ಹೇಳೋಣವೇ?” ಎಂದು ಮನೋಜ್ ಕೇಳಿದನು.

“ಈಗ ಫೋನ್ ಮಾಡಿದರೆ ಅವರ ಪ್ರಶ್ನೆಗಳಿಗೆ ನಮ್ಮ ಹತ್ತಿರ ಉತ್ತರ ಇದೆಯೇ? ಬೇಡ, ಬೆಳಗ್ಗೆ ಎದ್ದ ಮೇಲೆ ಆರ್ಯನ್ ಅವರೇ ಹೋಗಿ ಅವರ ತಂದೆಗೆ ಹೇಳುತ್ತಾರೆ ಬಿಡು. ನನಗಂತೂ ತುಂಬಾ ನಿದ್ದೆ ಬರುತ್ತಿದೆ, ನಾನು ಹೊರಡುತ್ತೇನೆ, ನಾಳೆ ಬರುತ್ತೇನೆ” ಎಂದ ವೇದಾಂತ್.”ಇಲ್ಲೋ ವೇದಾಂತ್, ನೀನು ಎಲ್ಲಿಗೂ ಹೋಗಬೇಡ. ಬೆಳಗ್ಗೆ ಇವನು ಎದ್ದು ಗಲಾಟೆ ಮಾಡಿದರೆ ನಾನು ಒಬ್ಬನೇ ನಿಭಾಯಿಸಲು ಸಾಧ್ಯವಿಲ್ಲ. ನೀನು ಇಲ್ಲೇ ಮಲಗಿಕೋ” ಎಂದು ಮನೋಜ್ ಅವನನ್ನು ತಡೆದನು.

“ಇನ್ನು ನಿನಗೆ ಭಯ ಯಾಕೆ? ಆರ್ಯನ್ ಈಗ ನಿನಗೆ ಭಾವ ಅಲ್ವಾ?” ಎಂದು ವೇದಾಂತ್ ತಮಾಷೆ ಮಾಡಿದನು.”ಆ ಮಾತನ್ನು ಆರ್ಯನ್ ಎದ್ದ ಮೇಲೆ ಅವನ ಮುಂದೆಯೇ ಹೇಳು ನೋಡೋಣ” ಎಂದ ಮನೋಜ್.🥺

ಅಮ್ಮೋ! ಅವನ ಮುಂದೆ ಹೇಳಿದರೆ ನನ್ನನ್ನು ಸುಮ್ಮನೆ ಬಿಟ್ಟಾನೇ? ನಾಳೆ ಬೆಳಗ್ಗೆ ಎದ್ದು ಅವನು ಎಂತಹ ಗದ್ದಲ ಮಾಡುತ್ತಾನೋ ಎಂಬ ಭಯ ನನಗೂ ಇದೆ. ಸರಿ, ನಾಳಿನ ಕಥೆ ನಾಳೆ ನೋಡೋಣ, ಈಗ ನಿದ್ದೆ ಮಾಡೋಣ” ಎಂದು ವೇದಾಂತ್ ಮಲಗಿದನು.

ಜಾಹ್ನವಿ ಬಟ್ಟೆ ಬದಲಿಸಿಕೊಂಡು ಬಂದು ಮನೋಜ್ ಪಕ್ಕ ಕುಳಿತು, “ಅಣ್ಣ, ಅವರು ನಿನ್ನ ಫ್ರೆಂಡಾ?” ಎಂದು ಕೇಳಿದಳು.

“ಹೌದು ಜಾಹ್ನವಿ, ನಾನು ಯಾವಾಗಲೂ ಆರ್ಯನ್ ಬಗ್ಗೆ ಹೇಳುತ್ತಿದ್ದೆನಲ್ಲಾ, ಅವನೇ ಇವನು. ಆದರೆ ನಾನು ಎಷ್ಟೇ ಕರೆದರೂ ಅವನು ಯಾವತ್ತೂ ಮನೆಗೆ ಬಂದಿರಲಿಲ್ಲ. ಅವನಿಗೆ ನಮ್ಮ ಮನೆ ದಾರಿಯೇ ಗೊತ್ತಿಲ್ಲ. ಅಂತಹವನು ಇಲ್ಲಿಗೆ ಹೇಗೆ ಬಂದನೋ ನನಗೂ ತಿಳಿಯುತ್ತಿಲ್ಲ” ಎಂದ ಮನೋಜ್.

“ನಾಳೆ ಬೆಳಗ್ಗೆ ಅವರು ಎದ್ದ ಮೇಲೆ ಅವರನ್ನೇ ಕೇಳಿದರೆ ತಿಳಿಯುತ್ತದೆ ಅಲ್ವಾ ಅಣ್ಣ?” ಎಂದಳು ಜಾಹ್ನವಿ.

“ವೇದಾಂತ್ ಮತ್ತೆ ನಾನು ಕೂಡ ಅದನ್ನೇ ಅಂದು ಕೊಂಡೆವು. ನಾವು ರೂಮಿನಲ್ಲಿ ಮಲಗುತ್ತೇವೆ, ಜಾಹ್ನವಿ ನೀನು ಇಲ್ಲಿ ಮಲಗುತ್ತೀಯಾ?” ಎಂದು ಮನೋಜ್ ಕೇಳಿದನು.

“ಸರಿ ಅಣ್ಣ, ನೀವು ಹೋಗಿ ಮಲಗಿ, ನಾನು ಇಲ್ಲೇ ಇರುತ್ತೇನೆ” ಎಂದಳು ಜಾಹ್ನವಿ. ಇಬ್ಬರೂ ರೂಮಿಗೆ ಹೋದ ಮೇಲೆ ಜಾಹ್ನವಿ ಸೋಫಾದ ಮೇಲೆ ಮಲಗಿದಳು. ಆದರೆ ಅನಿರೀಕ್ಷಿತವಾಗಿ ನಡೆದ ತನ್ನ ಮದುವೆಯ ಬಗ್ಗೆ ಆಲೋಚಿಸುತ್ತಿದ್ದ ಅವಳಿಗೆ ನಿದ್ದೆಯೇ ಬರಲಿಲ್ಲ. “ಅವರು ಯಾಕೆ ಅಷ್ಟು ಕೋಪದಲ್ಲಿದ್ದಾರೆ? ಅಣ್ಣನ ಸಂಕಟ ನೋಡಲಾಗದೆ ನನಗೆ ತಾಳಿ ಕಟ್ಟಿದೆ ಎನ್ನುತ್ತಾರೆ… 😌

ಅಸಲಿಗೆ ತಾಳಿ ಅಂದರೆ ಏನು ಎಂದು ಅವರಿಗೆ ತಿಳಿದಿದೆಯೇ?” ಎಂದು ಆಲೋಚಿಸುತ್ತಾ ಹಾಗೆಯೇ ಕಣ್ಣು ಮುಚ್ಚಿದಳು.ಬೆಳಗ್ಗೆ ಆರ್ಯನ್‌ಗೆ ‘ಕೌಸಲ್ಯಾ ಸುಪ್ರಜಾ…’ ಸುಪ್ರಭಾತ ಕೇಳಿಸಿತು. ನಿಧಾನವಾಗಿ ಕಣ್ಣು ತೆರೆದು ನೋಡಿದಾಗ ಎದುರಿಗೆ ಜಾಹ್ನವಿಯ ಫೋಟೋ ಕಂಡಿತು. “ಯಾರು ಈ ಹುಡುಗಿ? ನನ್ನ ರೂಮಿನಲ್ಲಿ ಈ ಫೋಟೋ ಹೇಗೆ ಬಂತು?” ಎಂದುಕೊಂಡನು.

ಎದ್ದು ಕುಳಿತಾಗ ಅದು ತನ್ನ ಬೆಡ್ ಅಲ್ಲ ಎಂದು ತಿಳಿಯಿತು. ಸುತ್ತಲೂ ನೋಡಿದಾಗ ಅದು ತನ್ನ ರೂಮ್ ಕೂಡ ಅಲ್ಲ ಎಂಬುದು ಅರಿವಾಯಿತು. “ನಾನು ಎಲ್ಲಿ ಇದ್ದೇನೆ?” ಎಂದುಕೊಳ್ಳುತ್ತಾ ಹೊರಗೆ ಬಂದನು. ಮನೆಯಲ್ಲೆಲ್ಲಾ ಸಾಂಬ್ರಾಣಿ ಧೂಪದ ಹೊಗೆ ತುಂಬಿತ್ತು.

“ಈ ಮನೆಯಲ್ಲಿ ಏನಾದರೂ ಸುಟ್ಟು ಹೋಗುತ್ತಿದೆಯೇ? ಇಷ್ಟೊಂದು ಹೊಗೆ ಇದೆಯಲ್ಲಾ? ಮನೆಯವರು ಎಲ್ಲಿ ಹೋದರು?” ಎಂದು ಹೊರಗೆ ಬಂದನು. ಹೊರಗೆ ಜಾಹ್ನವಿ ತುಳಸಿ ಗಿಡಕ್ಕೆ ಪೂಜೆ ಮಾಡುತ್ತಿರುವುದು ಕಂಡಿತು.

ಜಾಹ್ನವಿಯನ್ನು ನೋಡುತ್ತಿದ್ದಂತೆಯೇ ಆರ್ಯನ್‌ಗೆ ಎಲ್ಲವೂ ನೆನಪಾಗಿ ಕೋಪದಿಂದ ಒಳಗೆ ಹೋದನು. “ಅಸಲಿಗೆ ಈ ಮನೆ ಯಾರದು?” ಎಂದು ನೋಡುತ್ತಾ ಮುಚ್ಚಿದ್ದ ಒಂದು ರೂಮಿನ ಬಾಗಿಲು ತೆರೆದನು. ಅಲ್ಲಿ ಬೆಡ್ ಮೇಲೆ ವೇದಾಂತ್ ಮತ್ತು ಮನೋಜ್ ಮಲಗಿದ್ದರು.

“ಇವರಿಬ್ಬರೂ ಇಲ್ಲಿ ಹೇಗೆ ಬಂದರು? ಅಂದರೆ ಇದು ಇವರಲ್ಲಿ ಯಾರದ್ದೋ ಒಬ್ಬರ ಮನೆ. ಹೊರಗೆ ಆ ಹುಡುಗಿ ಇದ್ದಾಳೆ ಅಂದರೆ ಇದು ಮನೋಜ್ ಮನೆ ಇರಬೇಕು. ಈ ಮನೆಗೆ ನಾನು ಯಾಕೆ ಬಂದೆ? ರಾತ್ರಿ ಕಾರ್‌ನಲ್ಲಿ ಹೋಗುತ್ತಿದ್ದವನು ಇಲ್ಲಿಗೆ ಹೇಗೆ ತಲುಪಿದೆ?” ಎಂದುಕೊಳ್ಳುತ್ತಾ ಅವರ ಮೇಲಿದ್ದ ಬೆಡ್‌ಶೀಟ್ ಎಳೆದು “ಏಯ್! ಏಳಿ” ಎಂದು ಜೋರಾಗಿ ಕಿರಿಚಿದನು.

ಇಬ್ಬರೂ ಬೆಚ್ಚಿಬಿದ್ದು ಎದ್ದರು. “ನನ್ನನ್ನು ಯಾಕೆ ಇಲ್ಲಿಗೆ ಕರೆದುಕೊಂಡು ಬಂದಿರಿ?” ಎಂದು ಆರ್ಯನ್ ಅಬ್ಬರಿಸಿದನು.”ನಿನ್ನನ್ನು ನಾವು ಕರೆತಂದಿಲ್ಲ ಆರ್ಯನ್. ನಾವು ಮನೆಗೆ ಬರುವಷ್ಟರಲ್ಲಿ ನಿನ್ನ ಕಾರು ನಮ್ಮ ಮನೆಯ ಮುಂದೆಯೇ ಇತ್ತು” ಎಂದ ಮನೋಜ್.

“ನಾನು ನಿಮ್ಮ ಮನೆಯ ಮುಂದೆ ಯಾಕೆ ಇರುತ್ತೇನೆ? ನನಗೇನು ನಿಮ್ಮ ಮನೆ ದಾರಿ ಗೊತ್ತಿದೆಯೇ? ಸುಳ್ಳು ಹೇಳಲು ಬೇರೆ ಏನು ಸಿಗಲಿಲ್ವಾ?” ಎಂದು ಕೆಂಡಾಮಂಡಲವಾದನು ಆರ್ಯನ್.

“ಇದು ನಿಜ ಆರ್ಯನ್, ಮನೋಜ್ ಸುಳ್ಳು ಹೇಳುತ್ತಿಲ್ಲ. ರಾತ್ರಿಯಿಂದ ನಮಗೂ ಇದೇ ಪ್ರಶ್ನೆ ಕಾಡುತ್ತಿದೆ” ಎಂದ ವೇದಾಂತ್.

“ಅಂದರೆ ನಾನು ಬೇಕಂತಲೇ ಇಲ್ಲಿಗೆ ಬಂದಿದ್ದೇನೆ ಎಂದು ನಿಮ್ಮ ಅರ್ಥವೇ?” ಎಂದು ಆರ್ಯನ್ ಕೋಪದಿಂದ ಕೇಳಿದನು.ಅಷ್ಟರಲ್ಲಿ ಪೂಜೆ ಮುಗಿಸಿ ಜಾಹ್ನವಿ ಆರತಿ ತಟ್ಟೆ ಹಿಡಿದು ರೂಮಿಗೆ ಬಂದಳು. “ಎಲ್ಲರೂ ಎದ್ದರಾ? ಆರತಿ ತಗೊಳ್ಳಿ” ಎಂದಳು.

ಜಾಹ್ನವಿ ತಲೆಗೆ ಟವಲ್ ಸುತ್ತಿಕೊಂಡು, ಹಣೆಯಲ್ಲಿ ಕುಂಕುಮವಿಟ್ಟುಕೊಂಡಿದ್ದಳು… ಅವಳ ಕಣ್ಣುಗಳು ಅತ್ತಿದ್ದರಿಂದ ಕೆಂಪಾಗಿದ್ದವು.

ಆರ್ಯನ್ ಕೋಪದಿಂದ ಜಾಹ್ನವಿ ಕೈಯಲ್ಲಿದ್ದ ಆರತಿ ತಟ್ಟೆಯನ್ನು ಜೋರಾಗಿ ತಟ್ಟಿ ಹೊರಗೆ ಹೋದನು.

ಆರ್ಯನ್ ಮಾಡಿದ ಕೆಲಸಕ್ಕೆ ಎಲ್ಲರೂ ಸ್ತಬ್ಧರಾಗಿ ನಿಂತುಬಿಟ್ಟರು.ಆರ್ಯನ್ ಹೊರಗೆ ಹೋಗಿ ಕಾರು ಸ್ಟಾರ್ಟ್ ಮಾಡಿದನು. ಕಾರಿನ ಶಬ್ದ ಕೇಳಿ ಮನೋಜ್ ಮತ್ತು ವೇದಾಂತ್ ಹೊರಗೆ ಓಡಿ ಹೋದರು. ಅವರು ಹೋಗುವಷ್ಟರಲ್ಲಿ ಆರ್ಯನ್ ಅಲ್ಲಿಂದ ಹೊರಟುಹೋಗಿದ್ದನು.

“ಇವನು ಯಾಕೆ ಹೀಗೆ ವರ್ತಿಸುತ್ತಿದ್ದಾನೋ ನನಗಂತೂ ತಿಳಿಯುತ್ತಿಲ್ಲ” ಎಂದು ಮನೋಜ್ ಹತಾಶೆಯಿಂದ ಹೇಳಿದನು.ಜಾಹ್ನವಿಗಂತೂ ಆರ್ಯನ್ ನಡವಳಿಕೆ ಏನೆಂಬುದೇ ಅರ್ಥವಾಗುತ್ತಿರಲಿಲ್ಲ…

ಕಥೆ ಮುಂದುವರೆಯುವುದು….😊💐💐

ಆರ್ಯ ಮನೆನ ಸೇರ್ತಾಳ ಜಾಹ್ನವಿ…🥺