ಅನಿರೀಕ್ಷಿತಾ ಮದುವೆ – 2

ಆರ್ಯನ್ ಕಾರ್ ಇಳಿದು “ನಾನು ನಿನಗಾಗಿ ಇವಳ ಕೊರಳಿಗೆ ತಾಳಿ ಕಟ್ಟಿದೆ ಹೊರತು, ನನ್ನ ಜೊತೆ ಕರೆದುಕೊಂಡು ಹೋಗಲಿಕ್ಕಲ್ಲ ಎಂದು ಇವಳಿಗೆ ಹೇಳು” ಎಂದನು.

“ಜಾಹ್ನವಿ, ಹೇಳೋದನ್ನ ಕೇಳು, ಮನೆಗೆ ಹೋಗಿ ಮಾತನಾಡೋಣ” ಎಂದು ಜಾಹ್ನವಿ ಕಾರಿನಿಂದ ಕೆಳಗಿಳಿಸಿದನು….

ಅವರ ಕಣ್ಣಮುಂದೆ ಆರ್ಯನ್ ಕಾರು ನಿಂತಿತ್ತು… ಅದರಲ್ಲಿ ಆರ್ಯನ್ ಸ್ಟೀರಿಂಗ್ ಮೇಲೆ ತಲೆ ಇಟ್ಟು ಬಿದ್ದಿದ್ದನು. ಮನೋಜ್ ಮತ್ತು ವೇದಾಂತ್ ಇಬ್ಬರೂ ಕಾರಿನ ಬಳಿ ಓಡಿ ಹೋಗಿ, “ಆರ್ಯನ್.. ಆರ್ಯನ್..” ಎಂದು ಕಿರುಚುತ್ತಾ ಬಾಗಿಲು ಬಡಿದರೂ ಆರ್ಯನ್ ಪ್ರಜ್ಞೆಯಲ್ಲೇ ಇರಲಿಲ್ಲ.

ಜಾಹ್ನವಿ ಓಡೋಡಿ ಮನೆಯೊಳಗೆ ಹೋಗಿ ಸ್ಕ್ರೂಡ್ರೈವರ್ ತಂದು ಮನೋಜ್ ಕೈಗೆ ಕೊಟ್ಟಳು. ಮನೋಜ್ ಅದರಿಂದ ಬಾಗಿಲು ತೆಗೆಯಲು ಪ್ರಯತ್ನಿಸುತ್ತಿದ್ದಂತೆಯೇ ಬಾಗಿಲು ತೆರೆದುಕೊಂಡಿತು. ಮನೋಜ್ ಮತ್ತು ವೇದಾಂತ್ ಇಬ್ಬರೂ ಸೇರಿ ಆರ್ಯನ್‌ನನ್ನು ಎತ್ತಿಕೊಂಡು ಹೋಗಿ ಜಾಹ್ನವಿಯ ಕೋಣೆಯಲ್ಲಿ ಮಲಗಿಸಿದರು.

“ಇವನು ಇಲ್ಲಿಗೆ ಹೇಗೆ ಬಂದ ಮನೋಜ್?” ಎಂದು ವೇದಾಂತ್ ಕೇಳಿದನು.”ಅದೇ ನನಗೂ ಅರ್ಥವಾಗುತ್ತಿಲ್ಲವೋ ವೇದಾಂತ್…” ಎನ್ನುತ್ತಾ ಜಾಹ್ನವಿ ಆರ್ಯನ್ ಕಾಲಿನ ಶೂಗಳನ್ನು ಬಿಚ್ಚುತ್ತಿದ್ದಳು. ಇದನ್ನು ನೋಡಿ ವೇದಾಂತ್ ಆಶ್ಚರ್ಯದಿಂದ, “ಏನೋ ಇದು? ಜಾಹ್ನವಿ ಯಾಕೆ ಅವನ ಶೂ ಬಿಚ್ಚುತ್ತಿದ್ದಾಳೆ?” ಎಂದು ಕೇಳಿದನು.

“ಜಾಹ್ನವಿ ಈಗ ಆರ್ಯನ್ ಹೆಂಡತಿ ಅಲ್ವಾ, ಅದಕ್ಕೇ ಬಿಚ್ಚುತ್ತಿದ್ದಾಳೆ” ಎಂದ ಮನೋಜ್.ವೇದಾಂತ್‌ಗೆ ತಲೆ ತಿರುಗಿದಂತಾಯಿತು. “ಏನು? ನಮ್ಮ ಆರ್ಯನ್ ಜಾಹ್ನವಿಯನ್ನು ಮದುವೆಯಾಗಿದ್ದಾನಾ? ನನಗೇನೂ ಅರ್ಥವಾಗುತ್ತಿಲ್ಲ. ನೀನು ಜಾಹ್ನವಿಗೆ ಬೇರೆ ಸಂಬಂಧ ಅಲ್ವಾ ನೋಡಿದ್ದು? ಈ ಆರ್ಯನ್ ಮಧ್ಯದಲ್ಲಿ ಹೇಗೆ ಬಂದ?” ಎಂದು ಆಶ್ಚರ್ಯದಿಂದ ಕೇಳಿದನು.

ವೇದಾಂತ್‌ಗೆ ಮದುವೆಯಲ್ಲಿ ನಡೆದ ಘಟನೆಗಳನ್ನೆಲ್ಲಾ ಮನೋಜ್ ವಿವರಿಸಿದನು. ವಿಷಯ ತಿಳಿದ ವೇದಾಂತ್, “ಅವರಿಗೆ ಅದೆಷ್ಟು ಧೈರ್ಯ? ನಮ್ಮ ಜಾಹ್ನವಿ ಬಗ್ಗೆ ಅಷ್ಟು ಕೆಟ್ಟದಾಗಿ ಮಾತನಾಡುತ್ತಾರಾ? ಅಂತಹ ಸಂಬಂಧ ಮುರಿದು ಹೋಗಿದ್ದೇ ಒಳ್ಳೆಯದಾಯಿತು ಮನೋಜ್. ಅದಕ್ಕೆ ಹೋಗಿ ನೀನು ಆತ್ಮಹತ್ಯೆ ಮಾಡಿಕೊಳ್ಳಲು ನೋಡಿದೆಯಲ್ಲಾ? ಒಂದು ವೇಳೆ ಆರ್ಯನ್ ಬರದೇ ಇದ್ದಿದ್ದರೆ ಏನಾಗುತ್ತಿತ್ತು?” ಎಂದನು.

“ಆ ಸಮಯದಲ್ಲಿ ನನಗೆ ಏನು ಮಾಡಬೇಕೆಂದು ತೋಚಲಿಲ್ಲವೋ… ಆರ್ಯನ್ ಬಂದು ಜಾಹ್ನವಿ ಕೊರಳಿಗೆ ತಾಳಿ ಕಟ್ಟಿದ. ಅವನು ಹಾಗೆ ಮಾಡಿದ್ದು ನನಗೂ ಅಚ್ಚರಿ ತಂದಿತು. ಅಸಲಿಗೆ ಅವನು ಜಾಹ್ನವಿ ಕೊರಳಿಗೆ ತಾಳಿ ಕಟ್ಟಿದ್ದು ಯಾಕೆ ಗೊತ್ತಾ?”

“ನನಗಾಗಿ ಅಂತೆ…” ಎಂದನು ಮನೋಜ್.

“ಹೌದು ವೇದಾಂತ್, ಅದನ್ನೇ ಹೇಳಿ ಜಾಹ್ನವಿಯನ್ನು ನನ್ನ ಜೊತೆಯಲ್ಲೇ ಬಿಟ್ಟು ಅವನು ಒಬ್ಬನೇ ಹೊರಟು 

ಹೋದ” ಎಂದನು ಮನೋಜ್.

“ಓಹೋ… ಅದಕ್ಕೇ ನೀವಿಬ್ಬರೂ ಇಷ್ಟು ದಿಕ್ಕಿಲ್ಲದವರಂತೆ ನಿಂತಿದ್ದೀರಾ? ಸರಿ, ಹಾಗೆ ಹೋದ ಆರ್ಯನ್ ಇಲ್ಲಿಗೆ ಹೇಗೆ ಬಂದ? ಅವನಿಗೆ ನಿಮ್ಮ ಮನೆ ಕೂಡ ಗೊತ್ತಿಲ್ಲವಲ್ಲಾ?” ಎಂದ ವೇದಾಂತ್.

“ಅದೇ ನನಗೂ ಅರ್ಥವಾಗುತ್ತಿಲ್ಲ ವೇದಾಂತ್. ನೋಡಿದರೆ ಸಿಕ್ಕಾಪಟ್ಟೆ ಕುಡಿದಿರುವ ಹಾಗಿದೆ” ಎಂದು ಅವರು ಮಾತನಾಡಿಕೊಳ್ಳುತ್ತಿರುವಾಗಲೇ ಜಾಹ್ನವಿ ಆರ್ಯನ್‌ನಿಗೆ ಬೆಡ್‌ಶೀಟ್ ಹೊದಿಸಿ, ಲೈಟ್ ಆಫ್ ಮಾಡಿ ಹೊರಗೆ ಬಂದಳು.

ಅವಳು ಬರುವುದನ್ನು ಕಂಡು, “ಜಾಹ್ನವಿ, ನೀನು ಹೋಗಿ ಬಟ್ಟೆ ಬದಲಿಸಿಕೊಂಡು ಬಾ” ಎಂದ ಮನೋಜ್.”ಸರಿ ಅಣ್ಣ” ಎಂದು ಅವಳು ಒಳಗೆ ಹೋದಳು.”ಈಗ ಏನು ಮಾಡೋಣ ವೇದಾಂತ್? ಆರ್ಯನ್ ಇಲ್ಲಿದ್ದಾನೆ ಅಂತ ಅವರ ತಂದೆಗೆ ಫೋನ್ ಮಾಡಿ ಹೇಳೋಣವೇ?” ಎಂದು ಮನೋಜ್ ಕೇಳಿದನು.

“ಈಗ ಫೋನ್ ಮಾಡಿದರೆ ಅವರ ಪ್ರಶ್ನೆಗಳಿಗೆ ನಮ್ಮ ಹತ್ತಿರ ಉತ್ತರ ಇದೆಯೇ? ಬೇಡ, ಬೆಳಗ್ಗೆ ಎದ್ದ ಮೇಲೆ ಆರ್ಯನ್ ಅವರೇ ಹೋಗಿ ಅವರ ತಂದೆಗೆ ಹೇಳುತ್ತಾರೆ ಬಿಡು. ನನಗಂತೂ ತುಂಬಾ ನಿದ್ದೆ ಬರುತ್ತಿದೆ, ನಾನು ಹೊರಡುತ್ತೇನೆ, ನಾಳೆ ಬರುತ್ತೇನೆ” ಎಂದ ವೇದಾಂತ್.”ಇಲ್ಲೋ ವೇದಾಂತ್, ನೀನು ಎಲ್ಲಿಗೂ ಹೋಗಬೇಡ. ಬೆಳಗ್ಗೆ ಇವನು ಎದ್ದು ಗಲಾಟೆ ಮಾಡಿದರೆ ನಾನು ಒಬ್ಬನೇ ನಿಭಾಯಿಸಲು ಸಾಧ್ಯವಿಲ್ಲ. ನೀನು ಇಲ್ಲೇ ಮಲಗಿಕೋ” ಎಂದು ಮನೋಜ್ ಅವನನ್ನು ತಡೆದನು.

“ಇನ್ನು ನಿನಗೆ ಭಯ ಯಾಕೆ? ಆರ್ಯನ್ ಈಗ ನಿನಗೆ ಭಾವ ಅಲ್ವಾ?” ಎಂದು ವೇದಾಂತ್ ತಮಾಷೆ ಮಾಡಿದನು.”ಆ ಮಾತನ್ನು ಆರ್ಯನ್ ಎದ್ದ ಮೇಲೆ ಅವನ ಮುಂದೆಯೇ ಹೇಳು ನೋಡೋಣ” ಎಂದ ಮನೋಜ್.🥺

ಆರ್ಯನ್ ಕಾರಿನಲ್ಲಿ ಕುಳಿತುಕೊಳ್ಳುತ್ತಾ “ವೇದಾಂತ್ ಬರ್ತೀನಿ ಅಂದಿದ್ದ, ಬರಲಿಲ್ಲ. ಒಂದು ವೇಳೆ ಬಂದರೆ ನಾನು ಹೊರಟೆ ಎಂದು ಹೇಳು” ಎಂದು ಕಾರ್ ಸ್ಟಾರ್ಟ್ ಮಾಡಿ ವೇಗವಾಗಿ ಹೋದನು… ಜಾಹ್ನವಿ ಆರ್ಯ ನ್ ಹೋದ ದಾರಿಯನ್ನೇ ನೋಡಿ ಸಂಕಟದಿಂದ “ಅಣ್ಣಾ ನನಗೇಕೆ ಹೀಗಾಯಿತು? 

ಮದುವೆ ಎಂದರೆ ಎಷ್ಟು ಸುಂದರವಾಗಿ ಊಹಿಸಿಕೊಂಡಿದ್ದೆ… ಊಹೆಗಳೇ ಬೇರೆ ಜೀವನವೇ ಬೇರೆ ಎಂದು ಈಗ ತಿಳಿಯಿತು” ಎಂದು ನೋವಿನಿಂದ ಹೇಳಿದಳು.”ಬೇಸರ ಪಡಬೇಡ ಜಾನು ನಡೆ ಹೋಗೋಣ” ಎಂದು ಆಟೋಗಾಗಿ ಕಾಯುತ್ತಾ ನಿಂತರು… ಅವರ ಮುಂದೆ ಒಂದು ಕಾರ್ ಬಂದು ನಿಂತಿತು… ಅದರಿಂದ  ಇಳಿದು “ಏನೋ ಇಲ್ಲಿ ನಿಂತಿದ್ದೀರಾ? ಕೆಲಸವಿದ್ದಿದ್ದರಿಂದ ಬರುವುದು ತಡವಾಯಿತು. ಮದುವೆ ಮುಗಿಯಿತಾ? ನೀವಿಬ್ಬರೇ ಇದ್ದೀರಾ.. ವರ ಎಲ್ಲಿದ್ದಾನೆ?” ಎಂದು ಕೇಳಿದನು… 

ವೇದಾಂತ್ ಅವಳ ಕೊರಳಲ್ಲಿ ತಾಳಿ ಇರುವುದನ್ನು ನೋಡಿ “ಏನಾಗಿರಬಹುದು?” ಎಂದು ಆಲೋಚಿಸುತ್ತಾ, “ಈಗ ಕೇಳಿ ನೋವು ಕೊಡುವುದು ಬೇಡ”ಎಂದು ಇಬ್ಬರನ್ನೂ ಕಾರಿನಲ್ಲಿ ಕುಳ್ಳಿರಿಸಿ ಕೊಂಡನು…ಆರ್ಯನ್ ಕಾರಿನಲ್ಲಿದ್ದ ಮಿನಿ ಫ್ರಿಜ್‌ನಿಂದ ಬೀರ್ ಟಿನ್ ತೆಗೆದು ಕುಡಿಯುತ್ತಾ ಕಾರ್ ಡ್ರೈವ್ ಮಾಡುತ್ತಿದ್ದಾನೆ. ಕಾರ್ ಎಷ್ಟು ಸ್ಪೀಡ್ ಆಗಿ ಹೋಗುತ್ತಿದೆ ಎಂಬ ಅರಿವೂ ಅವನಿಗಿಲ್ಲ…

ಇನ್ನೊಂದು ಟಿನ್ ಕುಡಿದ ಕೂಡಲೇ ಪೂರ್ತಿ ಮತ್ತೇರಿತು… ಕಾರ್ ಹೇಗೆ ಹೋಗುತ್ತಿದೆ ಎಂದೂ ನೋಡುತ್ತಿಲ್ಲ. “I hate you” ಎಂದು ಗೊಣಗುತ್ತಾ ಸ್ಟೀರಿಂಗ್ ಮೇಲೆ ಬಿದ್ದು ಮಂಪರಿನಲ್ಲಿ ಹೋದನು… ಎದುರಿಗೆ ಬರುವವರು “ಮನೆಯಲ್ಲಿ ಹೇಳಿ ಬಂದಿದ್ದೀಯಾ ಇಲ್ವಾ?” ಎಂದು ಬೈಯ್ಯುತ್ತಾ ಹೋದರು… ಕಾರ್ ಅತ್ತ ಇತ್ತ ವಾಲುತ್ತಾ ಹೋಗುತ್ತಿದೆ. ಎದುರಿಗೆ ಒಂದು ದೊಡ್ಡ ಲಾರಿ ಬರುತ್ತಿದೆ, ಆರ್ಯನ್ ಇದರ ಅರಿವೇ ಇಲ್ಲ… ಲಾರಿ ಡ್ರೈವರ್ ಹಾರ್ನ್ ಮಾಡುತ್ತಿದ್ದಾನೆ… ಆದರೂ ಕಾರ್ ಹಾಗೆಯೇ ಬರುತ್ತಿರುವುದನ್ನು ನೋಡಿ ಡ್ರೈವರ್ ಭಯಗೊಂಡು ಲಾರಿಯಿಂದ ಕೆಳಗೆ ಜಿಗಿದನು.

ಮನೋಜ್ ಅವರ ಮನೆ ಮುಂದೆ ಕಾರ್ ಬಂದು ನಿಂತಿತು… ಮನೋಜ್ ಮತ್ತು ಜಾನ್ವಿ ಕಾರ್ ಇಳಿದು ಎದುರಿಗಿರುವ ದೃಶ್ಯ ನೋಡಿ ಶಾಕ್ ಆದರು. ವೇದಾಂತ್ ಕೂಡ ಇಳಿದು ನೋಡಿ ಹಾಗೆಯೇ ಶಾಕ್ ಆಗಿ ನಿಂತುಬಿಟ್ಟನು….

ಕಥೆ ಮುಂದುವರೆಯುವುದು…. 🍫🍫