స్వీటీ అడిగిన ప్రశ్నలకి తన వెన్ను మీద చిన్నగా నిమురుతూ అవును కదా బంగారం నువ్వు మాట్లాడింది చాలా తప్పు కదా..
అమ్మకి నువ్వంటే ఎంత ప్రేమ తెలుసా.. తను మిమ్మల్ని కోప్పడుతుంది అంటే తనకి మీ మీద ప్రేమ లేదు అని కాదు.. మీరు సరిగా అన్నం తినకపోతే ఎక్కడ మీ ఆరోగ్యం పాడైపోతుందో అన్న భయం..
మిమ్మల్ని ఆడుకోవడానికి బయటకి పంపించడం లేదు అంటే పెద్దవాళ్ళు ఎవరూ లేనప్పుడు మీరు బయటకు వెళ్తే మీకు ఎక్కడ ప్రమాదం జరుగుతుందో అన్న భయం..
మిమ్మల్ని అప్పుడప్పుడు తిడుతుంది అంటే మీరు ఇప్పటి నుంచే చెప్పిన మాట విని మంచి పిల్లలు అనిపించుకోకుండా ఎక్కడ చెడ్డగా మారిపోతారో అన్న భయం..
ఈ భయాలన్నీ మీరంటే తనకి ఉన్న చాలా ప్రేమ వల్ల కలిగినవి.. అంతేకానీ నీ మీద తనకి ప్రేమ లేక కాదు తల్లి.. మిమ్మల్ని ఎంతగానో ప్రేమించే అమ్మని వద్దని కొత్త అమ్మని కావాలని అడుగుతావా..
నువ్వు అలా అడిగితే అమ్మ బాధపడదా చెప్పు.. మీరు పుట్టినప్పటినుంచి అమ్మ మీ మీదే ప్రాణాలు పెట్టుకుని బతుకుతుంది..