ಮರುದಿನ ಬೆಳಗ್ಗೆಯಿಂದಲೇ ಮೀನಾಕ್ಷಿ ಮಕ್ಕಳ ಸ್ಕೂಲ್ಗೆ ಹೋಗಲು ಸಿದ್ಧಳಾಗುತ್ತಿದ್ದಾಳೆ…. ಮಕ್ಕಳಿಬ್ಬರೂ ಕೂಡ ತುಂಬಾ ಉತ್ಸಾಹದಿಂದ ಇರುತ್ತಾರೆ.
“ಮಮ್ಮಿ… ಇವತ್ತು ನಮ್ಮ ಸ್ಕೂಲ್ನಲ್ಲಿ ಇಂಡಿಯನ್ ಕಲ್ಚರಲ್ ಡೇ ಅಲ್ವಾ… ನೀನು ನಮ್ಮ ಕ್ಲಾಸ್ಗೆ ಬಂದು ಇಂಡಿಯಾ ಬಗ್ಗೆ ಹೇಳುತ್ತೀಯಾ ತಾನೇ?” ಎಂದು ಚಿಕ್ಕವನು ಕೇಳುತ್ತಾನೆ.
“ಖಂಡಿತವಾಗಿಯೂ ಹೇಳುತ್ತೇನೆ ಕಣೋ… ನಮ್ಮ ದೇಶದ ಬಗ್ಗೆ ಹೇಳುವುದೆಂದರೆ ನನಗೆ ತುಂಬಾ ಇಷ್ಟ…” ಎಂದು ಮೀನಾಕ್ಷಿ ನಗುತ್ತಾ ಹೇಳುತ್ತಾಳೆ.
“ಮಮ್ಮಿ… ನೀನು ಇಂಡಿಯಾದಲ್ಲಿದ್ದಾಗ ಹೇಗಿದ್ದೆ ಅನ್ನೋದನ್ನೂ ಹೇಳಬೇಕು. ಅಲ್ಲಿನ ಹಬ್ಬಗಳು, ನಮ್ಮ ಸಂಪ್ರದಾಯಗಳು, ನಮ್ಮ ಆಹಾರದ ಬಗ್ಗೆಯೂ ಹೇಳಬೇಕು…” ಎಂದು ಮಗಳು ಉತ್ಸಾಹದಿಂದ ಹೇಳುತ್ತಾಳೆ.
“ಹಾಗೆಯೇ ಆಗಲಿ ಚಿನ್ನಾ… ಆದರೆ ನೀವೂ ನನಗೆ ಸಹಾಯ ಮಾಡಬೇಕು. ನಮ್ಮ ದೇಶದ ಬಗ್ಗೆ ನಿಮಗೆ ಗೊತ್ತಿರುವ ವಿಷಯಗಳನ್ನು ನೀವೂ ಹೇಳಬೇಕು…” ಎನ್ನುತ್ತಾಳೆ ಮೀನಾಕ್ಷಿ.
ಅಷ್ಟರಲ್ಲಿ ಲ್ಯಾಪ್ಟಾಪ್ ಮುಂದೆ ಕುಳಿತು ಕೆಲಸ ಮಾಡುತ್ತಿದ್ದ ಲಕ್ಷ್ ಅವರ ಮಾತುಗಳನ್ನು ಕೇಳಿ ನಗುತ್ತಾನೆ.