ప్రణయం – 2

ప్రణయం

ఎపిసోడ్ 2 — ప్రేమకు తొలి పరీక్ష

నరేంద్ర, ప్రణితల మధ్య ప్రేమ మొదలైంది.

కానీ…

ప్రేమను మొదలుపెట్టడం ఎంత సులభమో,
ఆ ప్రేమను కుటుంబం ముందు నిలబెట్టడం అంత సులభం కాదు.

రోజులు గడుస్తున్న కొద్దీ వాళ్ల బంధం మరింత బలపడింది.

ఆఫీస్‌లో మాత్రం వాళ్ల ప్రవర్తనలో ఎలాంటి మార్పు కనిపించేది కాదు.

మీటింగ్‌లో నరేంద్ర ఎప్పటిలాగే స్ట్రిక్ట్గా ఉండేవాడు. ప్రణిత కూడా ఎప్పటిలాగే తన అభిప్రాయాన్ని ధైర్యంగా చెప్పేది.

కానీ…

ఒకరి చూపు మరొకరిని తాకిన ప్రతిసారీ, ఆ కఠినమైన ప్రొఫెషనల్ ప్రపంచం మధ్యలో ఒక చిన్న ప్రేమ ప్రపంచం పుట్టేది.

ఒక సాయంత్రం…

ప్రణిత ఫోన్ మోగింది.

“అమ్మ.”

ఆమె కాల్ లిఫ్ట్ చేసింది.

“హలో అమ్మ…”

“ప్రణిత, ఈ ఆదివారం ఇంటికి తొందరగా రా.”

“ఎందుకు?”

“నీకు ఒక సంబంధం వచ్చింది.”

ప్రణిత ముఖంలోని నవ్వు ఒక్కసారిగా మాయమైంది.

“అమ్మా… నాకు ఇప్పుడే పెళ్లి….”

“నీ మాట నాకు తెలుసు. కానీ ఒక్కసారి చూసి మాట్లాడితే ఏమవుతుంది?”

“నాకు intrest లేదఅమ్మ.”

అవతల కొద్దిసేపు సైలెన్స్.

“నీకు ఇంట్రస్ట్ లేకపోవడం ఒక్కటే ముఖ్యం కాదు ప్రణిత. నీ నాన్న చాలా ఆశలు పెట్టుకున్నాడు.”

ఆ మాటతో ప్రణిత మౌనమైంది.

కాల్ కట్ చేసిన తర్వాత కొద్దిసేపు అలాగే కూర్చుంది. ఆమె ముఖంలో ఆందోళన చూసిన నరేంద్ర దగ్గరకు వచ్చాడు.

“ఏమైంది?”

ప్రణిత అతని వైపు చూసింది.

“ఇంట్లో… నాకు సంబంధం చూశారు.”

నరేంద్ర ముఖంలో ఎలాంటి భయం కనిపించలేదు.

కానీ అతని కళ్లలో మాత్రం ఆలోచన మొదలైంది.

“నీకు ఏం కావాలి?”

“నాకు?”

“అవును. వాళ్లు ఏం అనుకుంటున్నారన్నది తర్వాత. ముందు నీకు ఏం కావాలో చెప్పు.”

ప్రణిత అతని కళ్లలోకి చూసింది.

“నాకు నువ్వు కావాలి.”

నరేంద్ర ఆమె చేతిని మెల్లగా పట్టుకున్నాడు.

“అయితే భయపడాల్సిన అవసరం లేదు.”

“కానీ నా నాన్న చాలా స్ట్రిక్ట్ఉంటారు.”

“నా దగ్గర కూడా ఫ్యామిలీ ఉంది ప్రణిత.”

“అంటే?”

“మన ప్రేమను వాళ్ల ముందు నిలబెట్టాల్సిన టైమ్చ్చింది.”

ఆదివారం.

ప్రణిత ఇంట్లో ఉదయం నుంచే సందడి.

తల్లి వంటింట్లో హడావుడిగా తిరుగుతోంది.

తండ్రి మాత్రం హాల్లో పేపర్ చదువుతున్నట్టు కనిపిస్తున్నా, అతని మనసంతా కూతురి భవిష్యత్తుపైనే ఉంది.

ప్రణిత సాధారణంగా చీర కట్టుకుని హాల్లోకి వచ్చింది.

తండ్రి ఆమెను ఒకసారి చూసి,

“సాయంత్రం వాళ్లు వస్తారు. మర్యాదగా మాట్లాడాలి.”

“నాన్న…”

“ఏమిటి?”

“నీకు ఒక విషయం చెప్పాలి.”

అతను పేపర్ మడిచి ఆమె వైపు చూశాడు.

“చెప్పు.”

ప్రణిత ధైర్యం తెచ్చుకునీ ఇలా అంది.

“నేను ఒకరిని ఇష్టపడుతున్నాను.”

 ఒక్కసారిగా విపరీతమైన silence.

తల్లి చేతిలోని గ్లాస్ కూడా కదలకుండా ఆగిపోయింది.

తండ్రి మాత్రం కొన్ని క్షణాలు ఆమెను చూస్తూనే ఉన్నాడు.

“ఎవరు?”

“నా ఆఫీస్‌లో పనిచేస్తారు.”

“పేరు?”

“నరేంద్ర.”

“కుటుంబం?”

“మంచి కుటుంబం.”

“అతని గురించి నీకు ఎంత తెలుసు?”

“చాలా.”

తండ్రి స్వరం కాస్త గట్టిగా మారింది.

“మనకు తెలియకుండా నువ్వు అతన్ని ఎంతకాలంగా కలుస్తున్నావు?”

ప్రణిత తలదించుకోలేదు.

“అతను నా జీవితంలోకి వచ్చినప్పటి నుంచి అతన్ని అర్థం చేసుకోవడానికి ప్రయత్నిస్తున్నాను.”

“అది నా ప్రశ్నకు సమాధానం కాదు.”

“నాన్న… నేను అతన్ని ప్రేమిస్తున్నాను.”

తండ్రి ఒక్కసారిగా లేచాడు.

“ప్రేమిస్తున్నావా?”

ఆ ఒక్క మాటలోనే కోపం కంటే భయం ఎక్కువగా ఉంది.

“నీకు ప్రేమ అంటే ఏంటో తెలుసా?”

“తెలుసు నాన్న.”

“రెండు నెలలు మాట్లాడటం ప్రేమ కాదు.”

“మేము రెండు నెలలు మాట్లాడుకోలేదు నాన్న. ఒకరినొకరం అర్థం చేసుకున్నాం.”

“అది నీకు అనిపిస్తోంది.”

“అతనికీ అలాగే అనిపిస్తోంది.”

తండ్రి ఆమె వైపు గట్టిగా ఒక్క చూపు చూసాడు.

“అతన్ని ఇంటికి తీసుకురా.”

ప్రణిత కళ్లలో ఆశ మెరిసింది.

“నిజంగానా?”

“అవును.”

కొద్దిసేపు ఆగి ఆయన చల్లగా అన్నాడు.

“కానీ ఒక విషయం గుర్తుపెట్టుకో. అతన్ని కలవడం అంటే నేను అంగీకరించినట్టు కాదు.”

ప్రణిత నిశ్శబ్దంగా తల ఊపింది………..

అదే సమయంలో…

నరేంద్ర ఇంట్లో కూడా పరిస్థితి అంత సులభంగా లేదు.

ఆ రాత్రి భోజనం తర్వాత అతని తల్లి అతని దగ్గరకు వచ్చింది.

“నరేంద్ర…”

“చెప్పమ్మా.”

“నీకు ఎవరో నచ్చారట?”

నరేంద్ర ఒక్క క్షణం ఆశ్చర్యపోయాడు.

“ఎవరు చెప్పారు?”

“నీ చెల్లెలు.”

నరేంద్ర నవ్వాడు.

“అవును.”

“ఎవరు ఆ అమ్మాయి?”

“ప్రణిత.”

“కుటుంబం?”

“మంచిదే.”

తల్లి మాత్రం మౌనంగా ఉండిపోయింది.

“ఏమైంది అమ్మా?”

“నువ్వు ఎవరినైనా ప్రేమించావంటే నాకు అభ్యంతరం లేదు.”

“మరి?”

ఆమె నెమ్మదిగా చెప్పింది.

“కానీ మీ నాన్నను ఒప్పించడం అంత సులభం కాదు.”

నరేంద్ర ముఖం గంభీరమైంది.

ఎందుకు?

ఆయనకు ప్రేమ పెళ్లి మీద నమ్మకం లేదు.అది ఆయన అభిప్రాయం. కానీ ఇది నా జీవితం.

“అది నాకు తెలుసు.”

ఆమె కాసేపు ఆగి, కానీ నీ నాన్న ఎందుకు అలా మారిపోయాడో నీకు పూర్తిగా తెలియదు నరేంద్ర. 

నరేంద్ర కనుబొమ్మలు ముడుచుకున్నాడు.

అంటే?

ఆ విషయం ఇప్పుడు చెప్పే సమయం రాలేదు. అని చెప్పి ఆమె అక్కడి నుంచి వెళ్లిపోయింది.నరేంద్ర మాత్రం అక్కడే నిలబడిపోయాడు.

“నాన్న గతంలో ఏం జరిగింది?”

అతని మనసులో మొదటిసారి ఆ ప్రశ్న బలంగా మెదిలింది.

మూడు రోజుల తర్వాత…

ప్రణిత తండ్రి ఇంట్లో నరేంద్ర కుటుంబం కూర్చుంది.

మాటలు మొదట సాధారణంగానే సాగాయి.

ఉద్యోగం.

కుటుంబం.

భవిష్యత్తు.

కానీ ఒక్కసారిగా ప్రణిత తండ్రి నరేంద్ర వైపు నేరుగా చూశాడు.

“మీకు ప్రణిత ఎందుకు నచ్చింది?”

నరేంద్ర ఒక్క క్షణం కూడా తడబడలేదు.

“ఆమె అందంగా ఉందని కాదు.”

ప్రణిత తల్లి ఆశ్చర్యంగా చూసింది.

నరేంద్ర కొనసాగించాడు.

“ఆమె తన నిర్ణయాలను తానే తీసుకునే వ్యక్తి. తన అభిప్రాయం కోసం నిలబడుతుంది. నేను ఆమెను మార్చాలని అనుకోవడం లేదు.”

ప్రణిత తండ్రి అతన్ని గమనించాడు.

“అంటే పెళ్లి తర్వాత కూడా ఆమె ఉద్యోగం చేస్తుందా?”

“అది ఆమె నిర్ణయం.”

గదిలో మళ్లీ నిశ్శబ్దం.

ప్రణిత తండ్రి ముఖంలో మొదటిసారి చిన్న మార్పు కనిపించింది.

కానీ…

అతను అడిగిన తదుపరి ప్రశ్న మాత్రం అందరినీ కుదిపేసింది.నరేంద్ర… మీ కుటుంబంలో రాఘవేంద్ర అనే పేరు మీకు తెలుసా?

నరేంద్ర ముఖం ఒక్కసారిగా మారిపోయింది.

“తెలుసు.”

“ఆయనతో మీ నాన్నకు ఉన్న సంబంధం గురించి తెలుసా?”

“లేదు.”

ప్రణిత తండ్రి కుర్చీలో వెనక్కి వాలి కూర్చున్నాడు.

“తెలుసుకోవాల్సిందే.”

నరేంద్ర కళ్లలో అనుమానం.

ప్రణిత తన తండ్రిని చూస్తూ,

“నాన్న… మీకు ఈ విషయం ఎలా తెలుసు?”

అతను వెంటనే సమాధానం చెప్పలేదు.

కొద్దిసేపటి తర్వాత నెమ్మదిగా అన్నాడు.

“ఎందుకంటే… మీ ప్రేమ మొదలవ్వడానికి చాలా సంవత్సరాల ముందే, మీ రెండు కుటుంబాల మధ్య ఒక కథ మొదలైంది.”

అతని మాటలు ముగిసిన వెంటనే, గదిలోని గడియారం ఒక్కసారి గట్టిగా మోగింది.

అదే క్షణంలో ప్రణిత తండ్రి చూపు గోడపై వేలాడుతున్న పాత ఫోటోపై ఆగింది.

ఫోటోలో ఉన్న ఇద్దరు యువకుల్లో ఒకరి ముఖం నరేంద్ర తండ్రిని పోలి ఉంది.

మరొకరి ముఖం…

ప్రణిత తండ్రిదే.

కానీ ఆ ఫోటో కింద ఉన్న తేదీని చూసిన నరేంద్ర గుండె ఒక్కసారిగా ఆగినట్టైంది.

ఇరవై ఐదు సంవత్సరాల క్రితం.

ఫోటో వెనుక నుంచి జారిపడిన పాత కాగితంపై ఒక్క వాక్యం మాత్రమే కనిపించింది—

“నిజం బయటపడితే… ఈ రెండు కుటుంబాల్లో ఎవరో ఒకరు నాశనం కావాలి.”

నరేంద్ర, ప్రణిత ఒకరినొకరు చూసుకున్నారు.

ఆ క్షణంలో…

వాళ్ల ప్రేమకు ఎదురుగా నిలిచింది కేవలం కుటుంబాల అంగీకారం కాదు.

ఒక దాచిన ఒప్పందం.

ఒక మరిచిపోయిన ద్రోహం.

ఇంకా ముగియని ఒక శత్రుత్వం.

నరేంద్ర ప్రణిత చేతిని మెల్లగా పట్టుకున్నాడు.

ఆమె అతని వైపు చూసింది.

అతని కళ్లలో ఒక్కటే మాట—

“ఏం జరిగినా… నిన్ను వదలను.”

ప్రణిత కళ్లలో కన్నీటి మెరుపుతో చిన్నగా నవ్వింది.

“నేనూ.”

కానీ…

వాళ్లకు తెలియదు.

ఆ పాత ఫోటోలో కనిపించని మూడో వ్యక్తి ఇంకా బతికే ఉన్నాడని.

వాళ్ల ప్రేమను ఆపడానికి అతను ఇప్పటికే మొదటి అడుగు వేసాడని.

మరియు…

వాళ్ల కుటుంబాల గతం, వాళ్ల భవిష్యత్తును నిర్ణయించబోతోందని.

అసలైన ఆట ఇప్పుడే మొదలైంది.