పొలానికి వెళ్లిన ప్రణయ్ పొలం గట్టు మీద కూర్చుని ఆలోచనల్లో మునిగిపోతాడు..
ఏంటి ఇదంతా ఉన్నట్టుండి అమ్మ, మావయ్య ఇద్దరు కలిసి నా పెళ్ళి ఖాయం చేసేసారు..
నేను ఇంతవరకు ఆ అమ్మాయి నీ కూడా చూడలేదు.. అప్పుడెప్పుడో టీనేజ్ లో వున్నప్పుడు ఒకటి, రెండు సార్లు చూసినట్టు గుర్తు…
ఈ మధ్య కాలం లో అయితే చూసింది లేదు.. నాకు తెలిసి ఆ అమ్మాయి కూడా నన్ను అసలు చూసి ఉండదు..
ఆ విషయం అమ్మ మాటల్లోనే అర్ధం అయింది… అసలు తనకి ఈ పెళ్ళి ఇష్టమేనా… ఎంత ఇష్టం వున్న సరే తను చేసుకోబోయే అబ్బాయిని కనీసం చూడాలి అని కూడా అనుకోకుండా ఈరోజుల్లో అమ్మాయిలు వుంటారా..
ఏంటో ఇదంతా నాకు నమ్మడానికి కష్టం గా వున్న, ఆ అమ్మాయి ఇష్టం లేకుండా ఇదంతా చెయ్యరు కద అన్న మాటలో నిజం ఉందని కామ్ గా ఉండాల్సి వస్తుంది..