హైదరాబాద్ రోడ్ల మీద ట్రాఫిక్ కోలాహలంగా ఉన్నా, వంశీ కళ్ళకు మాత్రం ముందు వెళ్తున్న ఆ ఆటో మాత్రమే కనిపిస్తోంది.
శ్రావణి ఆటోలో కూర్చుని పదే పదే వెనక్కి తిరిగి చూస్తోంది.
తన హ్యాండ్ బ్యాగ్ లో దాచుకున్న ఆ డైరీ ఆమెకు ఒక మండుతున్న నిప్పుకణికలా అనిపిస్తోంది.
వంశీ తన కారును ఆటోకు కొంచెం దూరంలో ఉంచి, ఆమెకు అనుమానం రాకుండా వెంబడిస్తున్నాడు.
శ్రావణి ఒక పాత కాలనీలో ఆటో దిగింది. ఆమె కంగారుగా అటు ఇటు చూస్తూ ఒక సందులోకి వెళ్లి, ఒక అపార్ట్మెంట్ లోపలికి వెళ్ళిపోయింది.
వంశీ దూరం నుండే ఆ ఇంటిని గమనించాడు. అంటే.. ఇక్కడేనా నువ్వు ఉంటున్నది? ఇంత ఒంటరిగా..